أجدد شيء بأمريكا

أردني مسافر لأمريكا وأخذ معه منسف مسكوه في المطار ..

قالوا له : شو هاض ؟

قال لهم : هي أكلة لذيذة مشهورة عندنا فقط …!!

- طبعا هم ما فهموا عليه إشي وأخذوه وشكوا بأمرو

وأخذوا من المنسف عينة وراحوا حللوها لقوها مفيدة

ذاقوها .. ولقوها طقع .....

قالوا له : أعطينا المنسف وأطلب أي أشي بدك إياه

قال : بدي أحدث إشي نزل بأمريكا ..

- أعطوه سيارة شيفروليت كامروا 2016

- رجع فيها على الأردن وشافه صاحبه قاله :

شو القصة يا رجال من وين هالسيارة ؟؟

- حكالو القصة وشو صار معه وراح صاحبه أخذ معه مرتبان

مقدوس وطيران على أمريكا !

مسكوه في المطار وصار معو نفس الإشي

وبعد ما ذاقوا المقدوس وخف عقلهم فيه ..

قالوا له : أطلب أي إشي بس أعطينا هالمقدوس

قال لهم : بدي أحدث إشي نزل بأمريكا ………………

- أعطوه سدر المنسف !!