انطلقت اليوم مظاهرات عدة في جمهورية مصر العربية تطالب بإسقاط الرئيس المصري الحالي محمد مرسي، بعد دعوات سابقة من حملة تمرد التي أطلقها المعارضون، الأمر الذي جعل العديد من المصريين يتسائلون ماذا بعد مرسي؟:
- الدنيا هتولع في مصر الاخوان مش هيسكتو ولا المعارضين هيسكتو
- هننتخب رئيس تاني وبعد سنة نثور عليه ونسقطه وندور في حلقة مفرغة والضحية الوحيدة مصر :(
- مركب بتغرق ومحتاجة لحد ينقذها من الركاب غير كل الطاقم القديم اللى بيشتغل فيها وغرقها من معارضة ومن حكام
- باسم يوسف مش هيلاقى شغل ويرجع جراح :D
- هيفضل فى انقسام برضه منهم لله اللى خلوا البلد تتقسم كده من الاول
- أعتقد هتكون صفحة مشرقة في تاريخ مصر ، و قرصة أذن للشعب عشان مايفكرش يجرب أي جماعة إسلامية في الحكم بعد كده .
- للاسف مش عايز اقولها بس سقوط مرسي = حرب اهلية ... يا رب احفظ مصر
- الفوضى لان المتمردين لم يقدموا له بديل والمره دى الاخوان مش اللى هتركب الثوره الفلول هم اللى هيركبوا الثوره
- هو انا ضد مرسى بس خايفه الجيش يرجع طب لو الجيش مارجعش مين اللى هيمسك البلد.طب لو عملو انتخابات مش ممكن الأخوان يرجعو تانى!
- سؤال بيطرح نفسه: هو بعد ما نخلع مرسي ، ينفع نفضل من غير رئيس شوية؟؟ علي أساس أن إحنا لسة خارجين من علاقة فاشلة و محتاجين نبقي سينجل شوية.
- هو بعد ما مرسي يخلع .. هنرشح مين للرئاسه ؟ و لا حمدين و ابو الفتوح هيترشحوا قصاد بعض تاني و نلبس في واحد فلول و واحد اخوان .. تاني ؟
- حسني مبارك مابغوه و مرسي بعد ما يبونه واللي عقب مرسي بعد بيطلعون فيه عيب،،وتستمر سخافة المصريين=))أنا أقول لو كل المصريين ينتحرون وايد أحسن
- انا مش متخيل ان مرسي بعد ما يسقط و يجي رئيس بعديه و نعارضة نلاقي نفسينا مع الاخوان في صف واحد ضد الرئيس دا
- لقدد رحل فعلا محمد مرسي وسقطت جماعته وما يحدث الآن هوالنزع الاخير . ويجب علينا ان نفكر الان في اجراءات ما بعد مرسي حتي لانقع في خطأ الماضي
- مظاهرات بمصر تطالب برحيل مرسي...اوكي بعد ما يروح مرسي بيجي رئيس ثاني وبعد سنة بتصير مظاهرات تطالب برحيل هذا الرئيس...وهكذا
- انا مش ضد تمرد بس الى هيحصل بعد ما نشيل مرسي هيبقي مهزلة.
- الحل الوحيد بعد ما مرسي يسقط ان رئيس المحكمة الدستورية يمسك لحد انتخابات رئاسية جديدة
- كانوا بيقولوا ما البديل لمبارك .. نفس اللي بيتقال حاليا من ترهيب وتخويف ماذا بعد مرسي .. الاوطان لا تتوقف عند شخص.. اقرأوا تاريخ يمكن تفهموا
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
