أعلنت ''جوجل'' على شبكتها الاجتماعية ''بلس'' أن مدينة الرياض العاصمة السعودية قد أضيفت إلى قوائم المدن التي يتم عرض حالتها المرورية مباشرة عبر برنامج خرائط جوجل. وقد لاقى هذا الموضوع صدى واسع في موقع التواصل الاجتماعي تويتر وتنوعت التعليقات ولم تخلو في بعضها من السخرية:
- بننفضح كل المدن يبان التطور فيها الا الرياض بتضل كذا ميه سنه قدام مايتغير فيها شي
- ماراح تبين الرياض دايم غبار يحطونها ليه اذا اللي ع الارض يمشي مايشووف هالمره قوقل بيشوف يعني
- اعتقد بأن نصف الرياض بخريطه قوقل صبات وحفريات
- فين الهيئه عن قوقل ؟ راح يكشف عورات اهاليكم هذا الشيء ان كنتوا ما تدورن.
- ﻻ والله اهانه لدوله بكبرها الحين ﻻ صيف بها مثل الدول وﻻ حريه وﻻ بعد توهم يحطون العاصمه بقوقل فكوني بهاجر خلاص
- ما تدري أن العاصمه شوارعها متهالكه كثيرة الحفر والمطبات وغير صالحه للإستخدام بالمركبات . وكل شي بيتطور إلا المرور
- على هالحال اجل قوقل راح تفتح خدمة اسمها "تحويلة" تعلمك بأخر التحويلات اول بأول
- انا خايف من هيئة الاتصالات يحجبون الخرائط لأسباب أمنية
- أهل الرياض مخترعين لهم طرق مختصرة مدري من وين جابوها قوقل بتدوخ مايمديها تحصر الطرق
- أكيد قررت بدون ما تعرف الواقع - يحسبون الرياض زي شيكاغو ! الرياض تتغير كل خمس دقايق - أشنب سيرفر ما يقدر عليها
- المفروض يرسلون ناس تعطيهم الطرق الجديدة من كثر التحويلات لان الاقمار الصناعية مو مصممة انها تحدث ١٠ مرات باليوم
- اذا سويت زوم على الرياض بيطلع لك برج المملكة و الفيصلية و الباقي تراب
- وش هي الرياض غير الفيصلية والمملكة وخمس شوارع رئيسية ههههههه مايحتاج تصوير بقمر صناعي .. يصورونها بكاميرا باندا
- بيطلعع شكل الشوارع المحفرة والمكسرة من كل مكان ؤلا بتطلع كشخة ؤمرتبة !
- من زمان والرياض في الخريطة . بس اضافو الحالة المرورية للطرق
- المدينة الوحيدة في العالم اللي ماراح تتعب في تحديث طرقها ومبانيها .. الحفريات هي هي ، والمباني هي هي
- والله فضيحة شوارعنا وفضيحتنا بتصير عالميه....الرياض عاصمة المملكه تمتلك اكثر شوارع مهترئة على مستوى العالم
- غريبة أهل الرياض مرة ماعندهم وطنية لديرتهم صح شيء مايسوى مو تطور شيء واو بدال مايفرحوا قاعدين يتريقوا على الشوارع
- : طيب فيه خاصية اذا فيه موكب مقفلين الشوارع عشانه ، يعطونك شوارع بديلة توصل فيها لبيتك؟
- ا مبروووووووووووووووووك إنجاز يفخر به سكان مدينة الرياض .. مع أن جدة سبقته بأكثر من سنة
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
