يصادف اليوم الخامس من حزيران ذكرى النكسة الحرب التي نشبت بين إسرائيل وكل من مصر وسوريا والأردن بين 5 يونيو و10 يونيو 1967 لايقاف العدوان الإسرائيلي، والتي أدت لاحتلال إسرائيل لكل من سيناء وقطاع غزة والضفة الغربية والجولان.
وفي موقع التواصل الاجتماعي تويتر علق العديد في ذكرى النكسة:
- عبد الناصر اه كان سبب النكسة ، لكن هو نفسه اللى عمل السد العالى اللى هيضيع بسبب اهمالكم مع اثيوبيا ، و امم قناة السويس اللى عايزين تبعوها
- اليوم ذكرى النكسة ٤٨ الفلسطينية .. و ذكرى سقوط الجولان !! شو كمان ! .. دخيل على هالذكريات الي بتمر لله فرحة ذكرى ! يا لطيف بس .
- النكسة جاءت لأن ناصر أوهم الجميع بأنها قضية عربية و للبحث عن الزعامة القضية اسلامية خالصة و لن تعود الا بهذا الشعار
- حتى لا ننسى .. الاخوان هم النكسة الحقيقية التى يجب ان نتخلص منها ونمحو اثارها الى الابد.
- طب بمناسبة صباح النكسة بتاعة الاخوان افتكروا كده وقت النكسة عبد الناصر الناس عملت معاه ايه ، و فى عصر النهضة الناس عاملة مع مرسى ايه
- النكسة مش حاجة تمس كرامة مصر ولكن تمس نظام غبي نظام قمعي نظام أصابه جنون العظمة فكانت الهزيمة نتيجة طبيعية للديكتاتور عبد الناصر
- احنا بنتكلم علي النكسة ده تاريخ وانتهي - بس مصر بالاخوان في الحكم في وكسة وده الحاضر المرير لازم برضه يبقي تاريخ وينتهي فورا
- فى ذكرى النكسة اذكركم بأكبر نكسة فى تاريخ البلد الإخوان مش هانبنى الا لما تزول النكسة دى
- عندما حدثت النكسة كان فرح الاخوان بها كانه انتصارا و ذلك كراهية في عبد الناصر و لو كان ذلك باحتلال اسرائيل لمصر .. المهم الانتقام
- شمتان ع الشعب عشان النكسة يوه كتك ستين وكسة..منيل و عامل رئيس و هو في الاصل إبليس..فاكر نفسة جمال بس الفرق بين الاثنين ان ناصر انسان
- في ذكرى النكسة احب اقول للفاشي عبد الناصر اتطمن في واحد اهبل اسمه حمدين بيقلدك بس فشل يبقى رئيس وبقى ممثل كومبارس
- مدرس بيسأل تلميذ :تعرف إيه عن نكسة يونيو؟ التلميذ :ده يوم إللي عملنا فيه حوار وطني سري عالهوا ياأستاذ الاستاذ : ياض بقولك النكسة مش الوكسة
- أنا بدافعش عن جمال عبدالناصر، لكن أنا مش مع الردح عليه وتحميله كامل المسؤولية لما حصل في النكسة، رغم أنه تنحى بعدها
- بمناسبة النكسة .. دي كانت أصعب حاجة مرت على الشعب المصري و كسرته و حطمت أمله .. و هزت ثقته في قياداته و شعاراتهم و بينت ضعفهم ..
- الاخوان لوكانو شاركو عبد الناصر في الحرب و حصلت النكسة كانو هيلاقو ألف مبرر عشان يجملوها !
- الاخوان بيقولوا صباح النكسة على الناصريين و كأنهم جنسية مستقلة مش مصريين...متزعلوش بقى لو قولنا على الاخوان مش مصريين و قلبهم مش على البلد
- 2013 فى ذكرى النكسة الانحطاط و الشماته والكراهية و التشفى ولو على حساب الوطن وانعدام الضمير و الوطنية هم ابرز سمات عصر النهضة.
- عشت و شوفت الاخوان بيحتفلو بذكرى النكسة بتاعتنا علشان عبد الناصر !!! مش دة اللى مرسى عايز يكمل المسيرة بتعته
- تعبت من الهرى ع النكسة لا عبدالناصر هو اللى عمل النكسة لوحدة ولا هو اللى بنى السد العالى لوحده اشترك معاه اعلام وقيادات فاشلة ارحمونا بقى
- الناس اللى حبسهم عبد الناصر نفسهم ما زالوا يقدرون مشروعه القومى وعمرهم ما فرحوا فى النكسة أو فى مصر فى أى حاجة... إلا الإخوان. سلوك أعداء.
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
