توالت ردود الفعل بعد قرار الرئيس المصري الدكتور محمد مرسي العفو عن النشطاء الذين قبض عليهم منذ قيام الانتفاضة التي أطاحت بالرئيس السابق حسني مبارك في بداية العام الماضي حتى تنصيبه في نهاية يونيو حزيران مستجيبا لمطالب كثير من المصريين ومن الردود التي جاءت في موقع التواصل الاجتماعي تويتر:
@NaderElMoraly عفو يعني سامحناك على الخطأ اللي إنت إرتكبته،وعفو مرسي عن معتقلي الثورة يعني أن ثوريتهم كانت خطأً ، كما أنه عفو عن مجرم و برئ على حد سواء .
@mo7amedfat7y مرسي خرج جميع المعتقلين وعمل عفو عام....يارب بقي يكمل الباقي ونشوف المحاكمات ونخلص بقي من الاشكال الوسخة اللي في البلد
@neveengamal1 بيقولوا عايزين البرآة مش عفو طب دا شغل قضاء مرسي يعمل فيه ايه يروح الصبح بدرى المحكمة ويصدر قرار بالبرآة بصفته قاضي واحنا مش عارفين
@Behiery بقالكوا سنة ونص طالع ميتين أبوكوا وقفات ومسيرات للعفو عن المعتقلين ويوم ما يخرج قررا بالعفو تقولولى إدانة,
@Basem_Barakat عن عفو مرسي عن المعتقلين كثائر بقوله:شكرا يا ريس كتر خيرك،وكمعارض أقول: دا قرار متأخر جدا جدا ..كان لازم يبقى أول قرار ليك بعد تولي المنصب
@m_ramlawy يادي النيلة! مافيش عفو يبقي فين العفو يا مرسي. طب عفو. لا انت فاكر ان انت بالعفو ده حترضي الشعب؟ شعب مأڤور بجد!
@FinalRule بيقولك قرار العفو منقوص عشان مفيهوش عفو عن مبارك .... بقول بالمرة مرسي يطلع قرار بالعفو عن أبو لهب عشان يمكن حد من كفار قريش يطالب بالعفو :)
@profofsociology عفو مرسي عن كل معتقلي الثورة هو بداية حقيقية لصفحة بيضاء مع الرئيس ارجو ان تستمر بيضاء او تزداد بياضا ونصوعا
@nogoinegypt اذا كان هناك قرار عفو فعلاً فلماذا هذا التوقيت بعد حادث سينا اليوم! انااقرأ ما ورأ الحدث فهو الاهم من الحدث نفسة. لحظة إدراك مرسي لغضب الشعب
@rahaal4u بخصوص العفو في ٧٠٠واحد تقريبا ثوار بس اتحاكمو قدام قضاء مدني ودول كان مستحيل يخرجو الا اذا مرسي عمل عفو عام وعلشان كدا مرسي اصدر القرار دا
@maromustafa7 الكل بيقول جدع يا مرسي علشان اصدر قرار عفو عن معتلقي الثورة اللي هم اولي من الإرهابين اللي عفي عنهم ومسمعتش حد بيقول مين اللي بيقتل جنودنا
@mazzahi مش لازم يعني تستني لما تفشل في ال 100 يوم عشان تطلع عفو عن المعتقلين تغطي فيه علي فشلك! اللي مش بيطلع من القلب, عمره مابيوصل للقلب يا
@slam_sela7 عفو شامل عن كل المتهمين ف احداث الثورة منذ يناير ، مرسي كلما تصور معارضوه انهم اردوه ارضا ! جابهم لمس اكتاف :)
@AhmdAlish مش لاقي سبب لشكر مرسي على العفو ، تنفيذ واجب و وعد قطعه تأخر كتير ودفعنا تمنه مقدما بتضحيات وبدعم ليه في الانتخابات ، أمال عصرنا اللمون ليه؟
@alaasadek بعد قراره التاريخي بالافراج عن كل معتقلي ثورة 25 يناير.. لا املك الا ان اقول لك شكرا يا مرسي.. وربنا يباركلك فى صحتك وولادك وزوجتك.
@ahmadesseily غريبة ان الإفراج عن إرهابيين مدانين بالقتل كان أسهل وأسرع بكتير من الإفراج عن ثوّار هم من أسباب حصول مرسي على منصبه!
@Hazem_Azim حتى لو كان قرار مرسي وتوقيته وغرضه سياسي!برضه انا فرحان جدا بالقرار ولا املك الا اني اقوله لأول مرة جدع يا مرسي! بس مش على طول:)
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
