استقبل رواد الانترنت المصريون خبر اعلان الحكومة الإثيوبية، أنها ستبدأ في تحويل مجرى أحد روافد نهر النيل، وهو النيل الأزرق، إيذانا ببدابة العملية الفعلية لبناء سد النهضة.ذلك للمرة الأولى في تاريخ نهر النيل. بموجة من السخرية والغضب فقام احد المغرديين بإنشاء هاشتاغ نعمل ايه مكان النيل للتعليق بطريقة لم تخلو من السخرية:
- مصر كانت هبة النيل ..... جيه مرسي وراح النيل ومافضلش غير هبة ..... احبيبتي ياهبة
- ياه لو الزمن يرجع بيل لورا كان نفسي اركب فلوكة قبل مالنيل يتشفط :")
- زعلان ليه اذا كان 60% م المصريين بيشربو ميه مجاري و5% بس هم ال بيستحمو و70% مش عارفين ياكلو هيستخدمو ميه ف ايه بقي
- لماموضوع أن اثيوبيا هتحول مجري النيل سهل كده محدش حوله ليه لبتوع الدويقةكانو شربو واستحمو وبعدها نرجع الخرطوم لأثيوبيا
- معنى ان الموضوع دا يحصل بمجرد رجوع مرسى .. هايطلع كل دا هرى و فى الاخر يتدخل مرسى القائد المغوار و يقنع اثيوبيا
- احنا مانعملش حاجة نخلي كل حاجة زي ماهي الفلوكات زي ماهي و اللي بيصطادوا يصطادوا عادي الحبيبةاللي على الكورنيش بردوعادي
- انا اشتغل فى السعودية كل اللى يسألنى دلوقتى انت من أين ؟؟؟؟؟ اقوله :: جاى من البلاد البعيدة لا نور ولا مية
- طب فككوا م العطش ممكن نستورد مية معدنية .. لكن عدم اللامؤاخذة مش حنستحمى !؟ حنبقى شعب معفن يعنى !؟ إيه القرف ده ؟!
- نفتح عليه البحر الابيض ويبقى زيتنا فى دقيقنا ويبقى عندنا بحر ولا الحوجة لاسكندرية :)
- نعمل عروض للصوت والضوء ..والراجل يفضل يقول "هذا المكان امتلئ لملايين السنين بالخير لمصر حتى جاء مرسى فنشفت على ايده"!!
- اول حاجة نشيل الكباري و يبقي المرور سهل .. حاولوا تبصوا للفوائد اللي الشعب حيستفيد منها
- مفيش حاجه مكان النيل دة هبة ربنا لمصر و نهر من أنهار الجنة و لو ضاع منا يبقي لا نستحق الحياة
- نبنى مساكن كتييير للناس اللى عايشة فى العشوائيات.. أينعم مش هايكون عندهم ماية مش مهم بس هايكون عندهم بيت
- إثيوبيا لأكثر من ١٠ سنين كانت عماله تقول أنها هتعمل السد و اخدت خطوات فعلية كتير، هو إحنا ليه مخضوضين دلوقتي؟
- يا جماعة انتو مش فاهمين هو كده بيفسد المخطط الاسرائيلى الصهيونى انه يبنى دولة من النيل للفرات متظلموش الراجل يوه!
- هاشتاج كارثي، يعبر عن كارثة ستواجهها مصر في عصر نهضة مرسي، منك لله يا مرسي، وصلت للنيل كمان، يا ترى هتبرر ده بإيه
- يا جماعة خلينا نبص علي الجانب الايجابي الشقق علي النيل(المرحوم) هتبقي رخيصة
- السخرية الحقيقية ان السد اللي اثيوبيا بتعمله اسمه سد النهضة و دا مريحني انه هيقع على دماغ ابوهم
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
