أعلن الفنان اللبناني غسان المولى، زوج الفنانة المصرية إيمي سالم عن انفصالهما عبر مواقع التواصل الاجتماعي. وكتب على "فيسبوك": “أعلن انفصالي عن زوجتي وصديقتي وأم أولادي إيمي، الطلاق الشرعي وقع اليوم، وما توفِيقِي إِلَّا بِاللَّهِ عَلَيْهِ تَوَكَّلْتُ وَإِلَيْهِ أُنِيب”. كذلك نشر صورة ممزقة لعروسين على "إنستغرام" تؤكد الخبر.
بدورها، كتبت إيمي سالم تدوينة على "فيسبوك" قالت فيها: "أحب أشكر الـ 412 Missed call اللي جولي في خلال ساعتين والـ 1293 message".
وأضافت: "كنت بفضل خبر انفصالي عن أبو أولادي ما يَخدش الحجم الأوفر ده.. لا إحنا أول ناس ولا آخر ناس تنفصل.. ومهما كان إحنا عشرة عشر سنوات نتج عنها ثلاث صبيان اللي لسه مايعرفوش خبر الانفصال في حين أن الوطن العربي كله عرف وده حاجه مخلياني في غايه الاستياء".
وتابعت: "أرجو عدم التحدث في هذا الموضوع لأن في مقولة بتقول إن البيوت أسرار.. بس واضح أن المقوله دي عمرها الافتراضي خلص، ومش من حق أي حد يعرف التفاصيل.. لأنها المفروض حاجة شخصية (المفروض)"، مضيفة: "يا ريت الكلام يبقى على قد اللي أنا بكتبه وما يخدش حجم أكبر من حجمه لمصلحة الغير.. وما ننساش إن في أولاد في يوم من الأيام هيقروا أي حاجة هتتكتب عن أبوهم وأمهم.. فيا ريت نراعي ربنا في ده".
وختمت رسالتها: "سيظل غسان عشرة عمري وحبي الأول وأبو أحلى ٣ ولاد فيا ريت لا حد يألف ولا يبتكر سيناريو لسبب الطلاق.. لأنه في الأول وفي الآخر نصيب.. ومحدش عارف ربنا كاتب إيه، السوشيال ميديا نقمتها أكبر من نعمتها.. ويا ريت الناس تستخدمها في الإطار الصحيح لما صنعت له وليس لضرر الغير. وربنا يهديني و هديه عشان خاطر الولاد قبل خاطرنا".
