تهكم نشطاء مصريون على مواقع التواصل الاجتماعي على الإنترنت على الوضع السياسي الذي تعيشه مصر خصوصًا بعد بيان حكومة الجنزوري "الهزيل" كما وصفوه، وتأكيده أن "مصر لن تركع "، مرورًا بالإفراج عن المتهمين الأمريكيين في قضية التمويل الأجنبي، ناهيك عن فضيحة تنحي هيئة المحكمة عن القضية. ووضع الناشطون تصميمًا لـ"أفيش" فيلم سينمائي افتراضي، بعنوان "مصر لن تركع.. خيال علمي علمك". ومن أهم التعليقات الساخرة :
@RobyAmr ياسااااااااااتر كابوس فظيع:حلمت ان الجنزوري وقف يخطب في البرلمان ويقول مصر لن تركع لن تركع وبعدين جت امريكا وقامت لسعانا قلم علي قفانا كلنا
@WaleedFarouk11 مصر لن تركع .. مصر فقط تـقـمـبـر وتــُـفلقـس وتـُفــرشح ..وأنا اللي كنت فاكرك بتصلّي!!
@HussamFarahat قال الدكتور الجنزوري " كذاا " مرة :- ( مصر لن تركع ) فهل يا دكتور مصر لن تركع علشان هتبطل صلاة ؟ ولا مصر ديسكها آآآفش ؟ ولا إيه قصد سياتتك ؟
@SherinFathy1 مصر لن تركع...ولكن تم تركيعها عنوه بواسطة ابن عاق اعتاد على الركوع ولم يستطيع الوقوف مرفوع الرأس
@Shirinat مصر لن تركع مصر لن تركع كلها شعارات رخيصة لاتسمن ولاتغني من جوع فقراء هذا الشعب الذين يدفعون ثمن حماقة وفساد حكامهم بدمائهم الغالية
- الجنزوري قبل موقعةالحواوشي قال لن يتم الاعتداء اللفظي على المعتصمين، وقبل موقعة التمويل قال مصر لن تركع، وفي الحالتين صدق
-يعنى ايه لما نحس اننا اخدنا قرارنا بايدينا و(لن تركع مصر) والكلام الكبير دا ويجى ف الاخر يقولونا دى الكمرا الخفيه وتحب نذيع ولا منذيعش. زهقنا
-موضوع مصر لن تركع فكرني بماجد الكدواني في فيلم حرامية في كجي تو لما قال ابو العربي يتهان ماشي يتشتم اوك لكن يضرب لا مش ابو العربي اللي يضرب
- ياجماعه ماتظلموش الجنزورى. الراجل مالوش ذنب. الراجل قال الحقيقه قال مصر لن تركع إلا للأمريكان. لكن المكيرفون قطع واحنا ماسمعناش بقية الجمله.
-الكتاتني في قضية التمويل بيقول مصر لن تركع. قولوا له فاضل لها ركعتين ومفاصلها تلين وتتعود
- من يظن ان الشعب سوف يختار الرئيس القادم فأحب أقوله "ماما فالعش ولا طارت"!! وأحب أفكرة "لن تركع مصر"
-الجنزوي "مصر لن تركع" .... الكتاتني " مصر لن تركع" .... الشعب "مصر شربت المر من كيعانها و بتتكرع
-لقد قامت قواتنا المشلحه بتعرية الوطن من اجل حفنة دولارات وفي الاخر اطمنوا مصر لن تركع عشان مفيهاش حيل كسحوها
-الست فايز أبو النجا قالت للمشير ولا تشيل هم أنا هاعرف أطلعلك الفلوس من عين الأمريكان بس انت شغلي الجنزوري على نغمة مصر لن تركع
-نرجع ونقول تاني مصر لن تركع و لن تستسلم والتحرير موجود و يكفي انهم تم تهريبهم بطائرة عسكرية!! بلد بتاعت شعارات صحيح بما لا يخالف شرع الله!
-طب ما ده اللي بيحصل احنا بنتفرج علي مسلسل مصر لن تركع للمشير والجنزوري والكتاتني والبطوله النسائيه لفايزة ابوالنجا
-الجنزوري عندما قال لن يتأذي أي متظاهر ولو بكلمه.. فقتل المتظاهرون، وقال لن تركع مصر ..فتم الركوع لأوامر أمريكا بقضية التمويل - الأحسن يصمت.
-حد لاحظ ان اللي طلعوا قالوا مصر لن تركع هما اللي كانوا السبب في ركوع مصر تلاتين سنة فاتت؟ دي مصر ضهرها وجعها
-الفيلم الهندى مصر لن تركع الإخراج المجلس العسكرى تمثيل كمال الجنزوري أداء حنجوري: مصطفى بكري أوسخ دور فايزة ابو النجا نصب ودجل محمد حسان
-ايه يا وديع، مش قولت مصر لن تركع آمال اللى حصل دا ايه يا وديع .. وديع هى الرجاله دى شبه النسوان كده ليه !!
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
