ناقش المغردون المصريون على موقع التواصل الاجتماعي تويتر موضوع إضراب المعلمين في مصر في هاشتاغ حمل اسم #egyschools (بالعربية: مدارس مصر) وقام من خلاله المغردون باستذكار أحداث قديمة مروا بها خلال أيام الدراسة. نقتبس هنا بعضا من تلك التدوينات:
"@3sal_eswed:يعني ايه اضراب في المدرسة .. يعني المدرس هو اللي بينططك من على السور
@iMoouu:يعنى هما المدرسين دول مافتكروش الاضراب غير بعد ما احنا خرجنا من المدارس .. فينكوا من زمان كنا هندعمكوا و الله
@HendKheera: كنت بحط الرواية في وسط كتاب المدرسة واقرا و الحصة شغالة عادي
@hadouta: مش مسامحة في التوك اللي أخدتها مني ميس نادية بتاعة الألعاب، حتى اللي مش مخالفة كانت بتاخدها وكنت شاكة إنها بتديها لبناتها
@Bad_Way: أفشل واحد عندنا في ثانوي كان بتاع حشيش وبنات وغش في الامتحانات مش حنساه بقى ضابط شرطة عشان أبوه لوا
@hadouta: في 3 ابتدائي قالوا يقعدوا كل بنت جنب ولد علشان الرغي. الولد اللي قعد جنبي انتهى به الأمر إنه كان شغال عندي، بيعمل لي أي مشاوير
@larrynabil: كان عندنا واد إسمه عصام جه قالي لو حد ضربك تعال قولي ... ولما إتضربت رحتله قالي تدفعلي كام وأضربهولك
@NohaAtef: إعدادي: ماما كنت تحضر مجلس الآباء، "بنتك ذكية يا مدام بس لو تهدا وتبطل شيطنة"- بنتي أنا؟ دي مايطلعهلاش صوت ، فيصعق المدرس!
@Gue3bara: بالمناسبة مدرستي كان اسمها "المسلم الصغير" وكانت تابعة لجمعية الحفاظ علي القرآن الكريم والمديرة وسكيرتيراتها حراميه
@MasryaBt7lm: يعني تحفظ وأنت ساكت,والي يتكلم أو يجيب فكرة جديدة يبقي قليل أدب مبيحترمش الاكبر منه
@lizoo_moh: كنت علي طوول بطرد من الفصل
@Asadx: كان فيه مدرس في ثانوي لما كنا نشتكي من التعليم يكون يقول نعملكم ايه ووزير التعليم كل ما يحلم حلم يصحي يطبقه علي الثانوية
@k0oz: اوسخ يوم لما تيجي حصة الألعاب و المستر تطلب معاه اساليب تربوية و يلاعبنا سويدي او اي رياضة غير الكرة
@jarelkamar: لقد كنا في مدرسة لا تعرف الإناث إلا من وراء الأستار
@Elqazafy: كنت بتفقع من المدرسين اللى كانوا مقضينها تحسيس على البنات ويجى عندنا إحنا والرجوله تهب عليه ده كان إبن كلب كان هيصفى عينى".
البوابة
