بماذا علق مستخدمو موقع التواصل الاجتماعي تويتر على الانتخابات التشريعية التي بدأت اليوم أول مراحلها في مصر وهي التاريخية من حيث أنها الأولى بعد ثورة ٢٥ يناير؟، نقتبس بعضا من التغريدات التي كانت تحت هاشتاغ #EgyElections والتي عبر فيها المغردون عن آرائهم في الانتخابات والأحزاب وحتى التجاوزات الانتخابية!:
"@Manar0Ramadan: وبعد الإقبال والتحضر اللي شفناه في طوابير الانتخاب النهار ده، اللي يقولك بعد كده مفيش فايدة، اديله علقة حرامي الجامع
afadl1@: بالظبطRT @Mn3m_Gbr: تقريبا كده الناس كان عندها كبت انتخابي !! كله نازل يلبي الشهوة الانتخابية!!
BolaShokry@: يا بت يا نزيهه .. تعالي الحقي انتخاباتك
mashhour1@: الزحمة ..... لا دين لها
ahmedmoukh@: الميزان يا مدام .. الميزان يا بيه .. الميزان يا حاجه وانت يا حاج .. قرب قرب دوء و اتفرج
geemogeemo@: الناس لسة بتقبض مقابل التصويت. قال نزيهة قال
dinagamal: @Hazem_Azim@ لازم ننتخب و نفوط الفرصة على الفلول انهم ياخدوا مكاننا مكملين ثورة و انتخابات معا
SwirlyIvy@: جيشنا فوق الراس مرفوع ، و المجلس هو المخلوع!! شـــكــــراً لدور الجيش المصري الشريف النهاردة
iNouoN@: شكرا للجيل الذي علم اهله وجيرانه واصدقائه و حتى محدودي الدخل من حوله ان التصويت واجب قومي. تحية و تقدير للشهداء و مصابي الثورة
mary_reda@: تذكرة الي حزب الكنبة: لولا التحرير عمرنا ما كنا ممكن نشوف يوم زي ده....المجد لشهداء التحرير في كل مكان
magdynour@: الدعاية الأنتخابية بتتوزع علي ابواب اللجان لدرجة اني حسيت اني هدخل اللجنة القاضي هايديني بروشور
UmohamedU@: عمر مصطفي: صوباعك ده اصلا فتوشوب هههههههههههههههههه
nour_federista@: حكمة اليوم: خليك صبور و أوعى يهزم الطبور
fadimck@: مبسوط بالانتخابات و في نفس الوقت انبسطت و انا في اللجنة ان الصناديق مليانه علي الاخر و كنت بادخل ورقتي بالعافية، عاشت مصر حرة
Moustafa_Molky@: إلى الذين كانوا يروجون إلى أن من في التحرير يفتعلون أزمة لتأجيل الانتخابات.. ها هم المعتصمون يذهبون للتصويت ويعودون للاعتصام!!
melzoghby@: إزاي انتخب واحد بيقولي انتخبني عشان اجيبلك حقك وهو سابني بموت وبترمي في الزبالة ونور عيني بيضيع وبتسحل وبتحاكم عسكري
EssamMakhlouf@: لو تعبت من الوقفة خمس ساعات، تخيل ان كان زمانك النهاردة بتصوت لجمال مبارك رئيسا لمصر من غير حتى ما تعرف
shadysadat@: بلاش با جماعة التصوير مع الصباع البمبى، احنا لسه بندفع تمن صور الصباع والدبابة بتوع اخر مرة
markony88@: لو كانت الديمقراطية امرأة .. لرقعت بالصوت
Alaa_elnawawy@: اشهد يا تاريخ على الشعب الي بيكتب التاؤيخ..لأول مرة بنكتب التاريخ مش بنقرأ بس
Amrelberri@: نفس الصباع .. نفس الصباع!
ma7mod_aelaziz@: حزب الحريه والعداله نحمل الزيت والسكر لكل مصر
زيتك عندنا
سكرك عندنا
دم اخوك ولا يهمنا".
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
