الرئيس المصري القادم يجب أن يمتلك حساباً على موقع التواصل الاجتماعي تويتر ليتواصل به مع شعبه، هذا أحد المطالب التي طلبها المغردون المصريون من الرئيس القادم في موقع تويتر تحت هاشتاغ يحمل إسم #مطلوب_من_الرئيس قائمة الطلبات هذه حملت في طياتها بعض من التعليقات والطلبات الساخرة :
@akhalaf93 يكون عندو شخصية مستقلة و مبيعرفش يركع غير لربنا
@salma_k_ انه ياكل نفس اكل الشعب مايجلهوش مستورد
@hammam7 يقدم اقرار ذمة ماليه كل عام موضح فيه اوجه الدخل والانفاق
@ahmedsameh47 يخلى الجنية المصرى هو العملة الرسمية فى قناة السويس مش الدولار
@Sam__Samir يقيم دوله القانون .. دوله العدل والمساواه بين الجميع
@mohraya كل دى طلبات يادين محمد ، أنا لو مكان الرئيس ألوح الاستقالة فى وجوهكم على رأى المرحوم وأهرب :D
@Sayed_ghrabawy يتعلم الامثال الشعبية و يعرف انه " يا بخت من زار و خفف " يا ريس
@YoussraSelim مش عايزين نشوف ماما شوزان تانيه بتاخد دكتوراه فخريه من اي مصيبه، اتعبوا و اجتهدوا شويه و خدوها عشان تستحقوها
@darshia يمنع تعليق صورته في أي مكان عام أو خاص
@_HishamFikry يسمع أكتر مايتكلم... يسمع النصيحة... ويكون عنده مستشارين علماء ويخافوا على البلد... وكلهم يخافوا ربنا
@Sooohaaa يستغل طاقات الشباب اللي في البلد ويشوف مصر بعد 10 سنين هتبقي عامله ازاي بايدين شبابها
@Sayed_ghrabawy اهم مطالبنا " ألا ينتوى " .. ابدا
@sarahmakrum ينزل المستشفيات العامه علي غفله و يشوف شكلها عامل ازاي و المرضي بيتعاملوا جواها ازاي
@khokha_ali_23 يكون حسيس، اما يحس ان الشعب مش طايقه يخلع ع طول مش بعد يمط و يقول في خطب مالهاش لازمة، ارحل يعني ارحل
@eng_3mro يكون هوا بس الريس مش هوا وعيلته والاهل والاقارب
@ahmedsameh47 يقلل من عدد السفارات المصرية اللى ملهاش لزمة دى بتاخد مئات الملاين ع الفاضى نوفرهم فى حاجة اهم
@mando22011 يخلي ميدان التحرير ملعب خماسي ويعمل فيه دوره رمضانية بين الثوار وبعضهم والكأس بتاعها اسمه يسقط الرئيس الحالي
@salomest يقف فى صف الغلابه
@darshia ما يعملش موكب ويلطعنا ويعطل مصالحنا ولا يروح يأنتخ في شرم ويسيبنا نولع
@MouniRGamal يكون بني آدم قبل أي حاجة عشان أنا حاسس أننا بنوصف حاجة غريبة ومش موجودة مثلاً ياعنيي
وأنت، ماذا كنت ستطلب من الرئيس القادم؟؛ شاركنا برأيك في التعليقات.
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
