الله أكبر…طائفية

تعترض فتفوتة على تصريح أدلت به المرشحة لرئاسة مصر بثينة كامل في حوار تلفزيوني واعتبرت فيه الجيش المصري طائفيا بسبب هتافه "الله أكبر":
"المذيع قالها معلش عشان الوقت،،
قالت لا لا عندي حاجة مهمة جدا لازم أقولها
قالها الوقت، قالت لا دي نقطة مهمة جدا لازم أقولها
وقالت إيه بقى،،
قالت لما كان الجيش طالع السلم كان
بيقول الله أكبر!!!،، الجيش ده طائفي طائفي!!".

تتابع فتفوتة استنكارها:
"طيب هو جيشنا وقت عبور القناة كان طائفي
عشان بيقول الله أكبر؟؟

يا ترى التلفزيون طائفي عشان كل نصر أكتوبر
يفضل يذيع أغنية بسم الله الله أكبر بسم الله بسم الله؟؟،،
يا ترى أصلا حليم كان طائفي وقتها؟؟
(…)
يا ترى اللجوء لربنا طائفية؟؟،،
يا ترى المسيرة كانت طائفية عشان رافعة صليب؟؟".

وتقارن فتاة من الصعيد ما قبل ٩ أكتوبر (أحداث ماسبيرو) وما بعدها:
"قبل 9 أكتوبر :
القوات المسلحه المصريه ليس من عقيدتها قتل المصريين ..
بعد 9 أكتوبر :
القوات المسلحه ليس من عقيدتها قتل المصريين .... ولكن يمكن لها دهسهم لو لزم الأمر ..

قبل 9 أكتوبر :
التلفزيون المصري مضلل وكاذب

بعد 9 أكتوبر :
التلفزيون المصري مضلل وكاذب ومحرض على الفتنه".
وتختم بالقول:
"قبل 9 أكتوبر:
راود المصريين حلم التجربه التركيه  

بعد 9 أكتوبر :
قرر المجلس العسكري إختياره للتجربه اللبنانيه ..... والله الموفق والمستعان".