ثلاثة مهندسين إيرلندي وفرنسي وحمصي
كانوا بيشتغلو بشركة مقاولات بدبي بتعمل ناطحة سحاب
وكل يوم بياخدو بريك الساعة 11 وبيفطرو
طبعا كل واحد جايب فطورو من البيت
ويوم من الأيام فتح الايرلندي صندوق الإفطار لاقى جواته همبرغر
حكى شو هاد كل يوم همبرغر همبرغر همبرغر ، والله إزا بكرا مرتي بتحطلي همبرغر اللي أرمي حالي من البرج وأنتحر
فتح الفرنسي صندوق الإفطار لاقى ستيك ، قال شو هاد كل يوم ستيك ستيك ستيك
والله لو بكرا مرتي بتحطلي ستيك اللي أرمي حالي من البرج وأنتحر
فتح الحمصي صندوق الإفطار لاقى حمص ، قال شو ها كل يوم حمص حمص حمص
والله لو بكرا مرتي بتحطلي حمص اللي أرمي حالي من البرج وأنتحر
ثاني يوم جلسوا الثلاثة ، فتح الايرلندي لاقى همبرغر ـ رمى حالو من البرج وانتحر
فتح الفرنسي لاقى ستيك - رمى حالو من البرج وانتحر
فتح الحمصي لاقى حمص - رمى حالو من البرج وانتحر
ويوم العزاء
توجهت الناس إلى زوجة الإيرلندي وصارت تلومها انو ليش تحطيلو كل يوم همبرغر
قالت وهي بتبكي : والله اني فكرتو بيحب الهمبرغر، والله لو بعرف انو بدي ينتحر كانت
قتلت حالي ولا حطتلو همبرغر
ثم توجهت الناس الى زوجة الفرنسي وصارت تلومها انو ليش تحطيلو كل يوم ستيك
قالت وهي بتبكي : والله اني فكرتو بيحب الستيك، عمرو ما اعترض
والله لو بعرف انو بدي ينتحر كانت قتلت حالي ولا حطتلو ستيك
ثم توجهت الأنظار الى زوجة الحمصي وبيستنوا شو راح تحكي
قالت: مالكم كلكم بتتطلعوا علي مستغربين
والله هو كل يوم بيحط الفطور بإيده!!؟
