ابراج اليوم
الحمل : تتعرض للاعتقال لأنك ناسي النفقة اللي ما دفعتها، وأجرة البيت المتراكمة، وعم بتفكر تتجوز مرة ثانية.
الجدي : دير بالك.. بدوروا ع الجديان هاي الايام؟. لسه فيه ناس بدها تعمل عقيقة!.
الجوزاء : لا تتأمل كثيرا الحكومة راح " تثبت" سعر البنزين، مش راح تنزلوا زي ما انت وغيرك ..مفكرين.
السرطان : نعم.. في المطار بيشلحوك الحزام عند التفتيش.. لا تلبس بنطلونك الساحل بلاش تعمل دربكة!
الأسد : نعم الحكومة مروحة.. بس انت قاعد في الحقيبة.. بس دير بالك ليجي حدا يشيلها ويشيلك بشي واسطة ثقييييلة؟.
العذراء : الله يستر عليكي .. لا تطلعي كثير ترى الحكي كثر.
الميزان : الاموال اللي خسرتها في التعزيم بتعوضها بالاستثمار في سوق " البالة" أو قوارب الموت .
العقرب : تجنب العزائم هذا الاسبوع.. فرص " الفغش" تتكاثر ، رقم الحظ "صفر".
القوس : مكاسب متوقعة ننصحك بتخزين الكاز والغاز من الان، قبل ما يحل الشتاء.
الثور : الحظ يبتسم لك، سيتم ترحيلك من المركز الامني إلى الموقر 2 .
الدلو : الحبيب في خطر قد يصاب بطلق ناري طائش أو يتعرض للشتم من جورج وسوف!.
الحوت : بكفيك اللي لهطتو لحد الان.. ولا اللي مثلك ما بشبع!. في الطريق اليك مناقصة جديدة بدها فهلوة.
