خليلي هاجر على كندا وبلش يدور على شغل.
المهم اشتغل بياع بمحل كبير يبيع كل شيء...
بآخر أول يوم دوام
إجتمع المدير في قسم المبيعات وبلش يسألهم كم زبون بعتوا اليوم؟
فكانت النتيجة متقاربة :
الأول ٥٠ زبون
الثاني ٤٥ زبون
الثالث ٣٧ زبون......إلخ.
وإجا دور الخليلي
قال للمدیر: بعت زبون واحد !!!
عصب المدير وقله:
لازم تتعلم تخدم الزبائن أكثر وتكسبهم، ولا بتروح...
المهم قديش بعته؟
قاله الخليلي : 93 ألف دولار
نط المدير من مكانه وحكالو : ولك شو بعته بهالمبلغ؟
قاله الخليلي : أول اشي بعته صنارة صيد بعدين نصحته بالصيد بنص البحيرة مش عالشط
فبالتالي بعته قارب وبعدين سألته كيف رح يجر القارب للبحيرة فبعته الملحق اللي بنحط عليها القارب،
وبعدين نصحته أنه يستعمل الشبكة بدل الصنارة طالما عنده قارب وبعدين نصحته بالتخييم هناك طالما رايح يصطاد سمك وهاي هوایته وبعدين بعته منقل شوي ليشوي السمك اللي بصيده.
وهاي قصة ال 93 ألف دولار !
قال المدير: يا رجل يعني بدك تقنعني أن الزلمة كان بدو يشتري صنارة وانت بعته كل هالأغراض ؟!؟!؟
قال الخليلي : والله الحقيقة الزلمه إجا ليشتري فوط always لمرته...
فقلتلو: طالما العطلة خربانة خربانة ، لیش ما تروح تصيد سمك؟
