واحد صايم وقرفان وجوعان وزهقان عيشته وضايع في الصحراء.. لقى فانوس سحري، فحكه.. طلعله المارد.
قال الرجل للمارد: شوف انا ما بدي تعطيني مصاري ولا تخليني رئيس وزراء زي نوري المالكي، ولا امين عام جامعة الدول العربية زي عمرو موسى.. ولا تحرر فلسطين لاني عارف انه ما بيطلع في ايدك.. كل اللي بدياه صحن فول افطر عليه..!
فكر المارد قليلا وقال بلسان حاله: معقول.. في حد ذابحه الصيام لهل درجة؟.
قال الرجل وقد استرعى انتباهه صمت المارد : شو قصتك.. لساتك واقف؟
قال المارد : بستنى تغير طلبك.
الرجل: ليش طلبي صعب..؟
المارد: لا.. بس يعني مصصم عليه؟
قال الرجل متاففا: اف.. اه .. بدي صحن فول.
واختفى المارد وغاب نصف ساعة دقائق . فاستغرب الرجل ان ياخذ المارد كل هذا الوقت في احضار صحن الفول. فدق على الفانوس السحري؟، فطلعله المارد وقال للرجل: استنى شوي.
وراح المارد وغاب كمان عشر دقائق. فاستأخره الرجل .. ودق مجددا على الفانوس وقد اوشكت الشمس على المغيب، فقال له المارد استنى.وغاب مجددا. لربع ساعة.
دق الرجل على الفانوس وقد اعتراه الغضب وقد غابت الشمس فخرج المارد وقال متاففا: شو في؟
فقال الرجل: يا سيد مارد.. معقول تاخذ كل هل وقت في احضار صحن فول كيف لو طلبت منك تبن عماره..!
اجاب المارد: وشو اعملك.. الله ياخذك، كل ما يوصل الدور عندي بتناديني!!!
