توجه بنت مصرية رسالة إلى كل ضابط أمن في المظاهرات التي تطالب بالتغيير في مصر:
"اللي في الشارع دول دلوقتي أهاليكوا.. مش مجرد ناس مختلفة مع النظام، مش معارضة وللا ساسة عندهم وجهات نظر مختلفة مع النظام، وللا عندهم نظام تاني.. وللا عندهم أجندة وعايزين يخربوا البلد ويخلوها فوضى".
وتتابع:
"خلاص، مابقاش ينفع تسكت ضميرك وتقول انا بحمي النظام، انا مسؤليتي امنع الفوضى. اللي في الشارع دول أهلك، ومهتك تحميهم.. مرتبك اللي بتاخده من ضرايبهم عشان تحميهم هما.. الوطن اللي بتنام تحت سماه هو الوطن اللي بيلمكوا سوا".
وتحذر:
"اوعى تضرب نار على أهلك.. أوعى تضرب نار على أبوك واخوك.. اللي في الشارع دول الشعب، والشعب مابيغلطش.. انزل معاهم واقف جمبهم...".
أما صاحب مدونة شرم، فيوجه رسالة مبطنة إلى الرئيس مبارك حين يستذكر أيام الملك فاروق:
"رحم الله الملك فاروق عندما رحل عن وطنه و قصره و قصر اجداده دون قطرة دم واحدة لاي مصري".
ويقارن الوضع الحالي بالماضي:
" اه لو تعرفون كيف كان جنيه مصر يساوي الجنيه الاسترليني عملة بريطانيا العظمى , حين كانت كرامة المصري مصانة بكرامة الملك , حين كان الفن راقي و كانت الاخلاق راقية , حين كانت حرية العبادة لا خلاف عليها فالمسيحي بجوار المسلم بجوار اليهودي كلهم يعيشون في سلام , حين كانت جامعة القاهرة من افضل جامعات الدنيا , حين لم يعرف الشعب مهازل صعوبات المعيشة و البطالة و الزواج".
