رغم الهجور الكبير الذي تعرض له وزير الإعلام المصرى صلاح عبد المقصود عقب واقعة مغازلة صريحة للإعلامية السورية في تلفزيون دبي “زينة يازجي” عندما قال لها “ياريت الأسئلة اللي حضرتك هتسأليها متكونش سخنة زيك”، عاد وعاود الكرة بواقعة جديدة وذلك خلال تواجد الوزير بحفل توزيع جوائز مصطفى أمين وعلي أمين الصحفية حينما طرحت إحدى الصحفيات المتواجدات بالحفل سؤالا على الوزير متسائلة “فين يا سيادة الوزير حرية الصحافة؟’، فما كان من الوزير إلا أن رد عليها ساخرًا ”ابقي تعالي أقولك حرية الصحافة فين”، وفى محاولة لتدارك الأمر تابع الوزير قائلا “اللي شايف إن فيه تقييد لحرية الصحافة يبقى يرد على الزميلة الكريمة المحترمة”.ليتعرض لهجوم أشد من المرة الاولى وصل الى حد المطالبة باقالته اما التعليقات التي جاءت على الموضوع في مواقع التواصل الاجتماعي:
- وزير الاعلام مره يقول للمذيعه"بلاش الاسئله تكون سخنه زيك"ومره يقول"ابقى تعالى وانا اقولك فين"ومستغربين من رئيس يقول صوابع ؟
- هو وزير الاعلام ده كبيره ايام وتلاقوه واقف قدام مدرسه البنات الاعداديه بيعاكس التلميذات ده هلفوت
- من غير مزايدات وزير الاعلام غلط غلطة عمرة .. بس انتفضتوا لية قوي كدة ما باسم يوسف بتحرش بأمهاتكم و اخواتكم و بيكم كل جمعة!
- و الله الاعلاميات اتبهدلو في البلد دي وزير الاعلام يقول لهم اسئله سخنه زيك و اوريكي الحريه فين و توفيق عكاشه يقول كنت بالشبشب البلاستيك
- تيجى تقول لواحد أخوان ايه السفاله بتاعت وزير الاعلام دى !!!! ,,,, يقولك مانتو سايبين باسم يوسف و القذاره مبتبطلش من بقه ,,,,, طب و بعديين !!
- سقطة وزير الاعلام تستحق الاقالة و المحاسبة. ولكن لن يستقيل ، و لن يقال ، فى زمن الانحدار و السقوط.
- اسم المنصب الجديد( وزير التحرش الجنسي) وعشان تكون بالمنصب دة لازم تكون منحط مثل وزير الاعلام اقصد التحرش ،
- سفاله وزير الاعلام لازم تكون لها نهاااايه ..التحرش اللفظى مرفوض تماما ...الامم تعرف من اخلاقها قبل الحضاره
- لما وزير الاعلام يئول لي مذيعة ابقي تعالي و ائولك الحرية فين .... اومال لو ماكنتش وزير كنت اولت اية !!!!!
- وزير الاعلام والريس بيحسسوني ان الشعب سواقين ميكروباصات!! اللي يقولك "الحارة المزنوقة" و"ابقي تعالي اقولك فبن" شوية شوية و يخطبونا من غرزة
- هو الناس اللي بتقارن كلام وزير الاعلام بكلام باسم يوسف حقيقيين!! يا بشر دا مصدر مسئول بيتكلم في لقاء عام!!برنامج باسم ساخر للكبار !!ا
- خالد النبوي تاعب نفسه و بيعمل أعلانات مصر محدش يتحرش بيها و وزير الاعلام الاخواني داير يتحرش بالصحفيات و المذيعات
- بعد اسئلتك سخنة زيك وصلنا لتعالي و أقولك هيا فين يا تري المرحلة الجاية للسيد الوزير هتبقي ايه
- لان الوزير عارف انه اخد منصبه من مكتب الارشاد ومحدش هيقدر يعمله حاجة استباح خدش حياء صحفية محترمة ولسه ياما هنشوف
- ماقاله وزير الاعلام الاخواني بالامس للصحفيه الشابه يستدعي اعتذار من الرئيس مرسي واقالة هذا الوزير المنفلت
- تحرش وزير الاعلام للمرة الثانية بزميلة صحفية بالايحاء يؤكد ان الوزير عندما تحدث عن #حرية الاعلام انما قصد حرية الكلام!!
- لما وزير الاعلام ميتشالش بعد ما قال للصحفيه تعالي وانا اقولك حريه الصحافه فين، يبقي كلنا نستاهل المكان اللي بقت فيه حريه الصحافه دلوقت
- احنا لازم نحاسب باسم يوسف علي تهمه نشر البذاءه وقله الادب ده حتي وزير الاعلام اتعلم منه منك لله يا باسم
- وزير الاعلام ده محسسنى انوا قبل ما يبقى وزير كان بيقف لى ناصية الشارع يعاكس المزز
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
