أصدر الرئيس المصري "محمد مرسي" في خمسة شهور مدة تولي مرسي الحكم، خمسة قرارات قام بإلغاءها جميعها لاحقاً، وهي أولاً: عودة مجلس الشعب بعد إلغاء قرار المحكمة الدستورية العليا بحل البرلمان، ثانياً : تعيين النائب العام السابق المستشار عبد المجيد محمود سفيرا لمصر في الفاتيكان، ثالثاً: إغلاق المحال التجارية في العاشرة مساءً، رابعاً:إعلان دستوري في 21 نوفمبر يتضمن إعادة محاكمات رموز النظام السابق وإقالة النائب العام وتحصين مجلس الشورى والجمعية التأسيسية لوضع الدستور،وخامساً: قرار زيادة الأسعار والضرائب، وتم التراجع عنها جميعا، ولعل أسرع قرار تم الغاءه هو قرار زيادة الأسعار والضرائب حيث تم اقراره ليلاً ليعاد الغاؤه صباحاً، وقد أثار هذا التخبط في القرارت موجة من التعليقات الساخرة في موقع التواصل الاجتماعي تويتر:
@seksek طب مرسي مش ناوي يرجع عن قرار ترشحه للرئاسة؟
@shadi_casper مرسى ف 5 شهور لغى 5 قرارات ... شكل كنزات البيريل الى عنده خلصت مع إحالة طنطاوى وعنان للتقاعد
@Di7AA يعني الواحد ينام ويصحي يلاقي مرسي رجع في كلامه ! هو الراجل ده مابيعيشلوش قرارات خالص كده
@Karim_Alolaywi مرسي قتل هيبة أي قرار رئاسي مستقبلاً .. بعد أي قرار يصدر الشعب سيمارس كل أنواع الضغط من أجل لعل وعسى أن يلغى أو يوقف
@Yehia_sherif89 الكل غلطان ... الإخوان و المعارضة الزائفة، الشعب حايروح في النصف، و مرسي كل يوم يطلع قرار و يلغيه أم الهلس و الناس مفشوخة في النص
@Dr_Khalid_D يعني لما مرسي ينزل قرارات دستورية وميرجعش فيها تقولوا ديكتاتور ولما ينزل زيادة في الضرائب ويرجع فيها تقولوا ملوش كلمة محدش فاهم مين عاوز إيه
@YommnaQadyn المفروض مرسي بعد كل قرار ينام علي ضهره 9 شهور عشان القرار يثبت
@MahmoodRabie الاخ الرئيس مرسي يوميا يصدر إعلانات و مراسيم و قرارات و يلغي و يعدل فيها ، وإن دل على شئ فإنما يدل على التخبط و عدم الوضوح و ضياع البوصلة.
@Neveen_Hamzah علي فكره القرارات صدرت بقانون ولا يمكن إلغاءه أو تعديله إلا بقانون هو أجل تنفيذها مش اكتر بس عشان ماحدش يضحك عليك
@raniaelmofty انا صعبان عليا بتوع التوك شو الي كل ما يحضروا حلقة مرسي يطلعلهم قرار جديد يبوظ كل الي عملوه
@vanditaaltahrir مرسي مكانش مقدم في الرئاسه علشان يحكم مصر ده كان مقدم علشان يدخل موسوعه غينيس في عدد القرارات اللي بياخدها رئيس الجمهوريه ويرجع فيها
@alaamostafa90 اللي ماسك شيفت الرياسة بليل غير اللي ماسكها الصبح الواحد خايف ينام يفوته قرار ميلحقوش علي ما يصحي يكون اتلغي
@Egyptianwry تخيلوا مرسى خد قرار حرب.. والجنود واقفين فى الحرب، وراح قايلهم خلاص يا جدعان أنا مش هحارب!
@MonaSalem1610 مرسي لغى الضرايب اللي نزلها امبارح | والنبي حد من الاخوان يقول للمرشد كفاية لعب في ريموت مصر
@FairouzNour الصين تعلن عن انتاج دمية علي شكل مرسي تدوس علي بطنها تطلع قرار تضربها علي قفاها تلغيه تاني
@loliozy يعني ايه مرسي يقرر يرفع اسعار السلع وبعدين يتقال من الاخوان انه قرر يلغي القرار لما سمع نبض الشارع ! احيه هوا ماكانش عارف نبض الشارع م الاول
@EckoPhoto كل واحد مننا جواه مرسي صغير بيطلع لما ييجي يذاكر أقول القرار و في ثانية أرجع فيه و مذاكرة
@beBlacker مرسي معلقاً علي فرض و إلغاء قرار الضرائب: شعبي و انا حر فية اغسلة اكوية انفخة افسية
@michael_nada مرسي بيفاجئ الحكومة ، والحكومة بتفاجئ مرسي .. ربنا يخليهم لبعض طبعا زي ما انتو عارفين احنا داخلين علي رأس السنه
@ahmedmahe_rigo بعد كده مرسي لما ياخد قرار نحلفه الأول أنه مش بيهزر
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
