قامت جريدة المصري اليوم بنشر صورة تظهر تراكم مياه الصرف الصحي أمام المنازل بمنطقة الدخيلة بالإسكندرية.وجاء نشر هذه الصورة بالتزامن مع الصور التي تُنشر عن "اعصار ساندي" الذي ضرب الساحل الشرقي للولايات المتحدة الأمريكية الأمر الذي جعل تعليقات نشطاء موقع التواصل الاجتماعي فيسبوك تتسم بالسخرية في مجملها:
- Amany Anter ده إعصار بهيه فى مصر
- Nabil Yousef اكيد ده من توابع اعصار ساندي اه يا بلد عاوزه ولد هههههههههه
- Ahmed Zezo وامرسااااااة اين طبال الاخوان صفوت حجازي اكيد الان لايري ولايسمع ولايتكلم كل سلطان ولة منافقينة وحاشيتة ومش غريب ولك الله ياشعب مصــر
- Dr.mhmd Khairy مش الدخيلة بس للاسف الصرف الصحي في منطقة العجمي كلها مش معمول بالمستوى المطلوب
- Amgad Okail احلى حاجه فى الجماعة اللى واقفين فى الشباك يشموا هوا :)شعب لا يعرف المستحيل
- Zeiad Alnaggar انتو فاكرين طبعاإن مرسي أتلف المنظومة الصحية ....والتعليمية...والسياسية....والبدنجانية!!.......وناسيين ان ده تراكم عشرات السنوات
- Ramadan Saad اعصاار ساندى الاسكندرية بمياه الصرف الصحى وليس بمياه البحر
- Tota Mohamed ربنا يعين دكتور مرسى على هذا الميراث من الاهمال والفساد نفسى نكون منصفين ونفتكر ان السبب فى هذا كله هو المخلوع وزبانيته وزوجته جماله وعلاء وعز وعزمى مش الاسلامين ولا الدكتور مرسى ولا مشروع النهضه
- Mohammed Nasser الدخيلة دي للعلم فقط من اكبر العشوائيات اللي في اسكندرية والدولة تقريبا ملهاش وجود فيها
- Awad Aly Awad اهوه ومن غير اعصار ولا عواصف بركاتك يابرنس الاخوان
- Mido Nosseir نهضة نهضة يعنى مفيش كلام
- Mohamed Galal ده اعصار ساندي بس استايل مصري
- Hamada Ismail عندك حق احنا مش شاطرين غير فى التنازع مش العمل كفايه بق كلنا لازم نشتغل ونراقب بعض وكله بالقانون هو الى يمشى كفايه دولة الظلم القائمه
- Ahmed Alkadi بلاش تهويل....ده من الاعصار ساندى...احنا الحكومة عندنا زى الفل
- Hana Elagamy حد يقول حلول المشكله دى موجوده بالفعل عايزين حل
- Hossam Maamoun لا ده اعصار من نوع خاص محلي
- Abeer Nafee انتظرنا كتير ايجابيات الثورة لكن يظهر انها غيرت رائها و مش جية دلوقت لسه بدرى باين
- Eslam Ali مفيش رئيس ابن حلال كده يعلن المنطقه ديه منطقه منكوبه زى ما اوباما اعلن نيويورك منطقه منكوبه
- Ahmed Shopair مشروع اشرب يا شعب النهضه شده وتزول يارب
- Edward Thomas اعصار سناء يضرب مصر.........للشامتين فى امريكا ....نشوف بلاوينا الاول قبل ما نشمت فى الناس
- Tyoor Elgana هي دي بس المنطقة اللي غرقانة في مياة المجاري لالالالا مصر كلها غرقانة ولسة كمان لما يضلموها غدا علشان اللي في الجحور يعربدوا علي راحتهم مش كدا ولا ااااايه ياحكومة
- Suma Mosbah احمدوا ربنا امريكا غرقانه ومعتمه رغم تقدمها فى جميع المجالات
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
