قام مذيع برنامج المجلس في قناة الدوري والكأس القطرية بطرد المحلل الرياضي الكويتي محمد كرم بسبب عنصريته بعد حديثة عن كرهه للسود بوجود الدولي البحريني السابق حمود سلطان ، مما أثار جدلاً بينه وبين المذيع الذي قال له إن الصحابي بلال رضي الله عنه مؤذن الرسول محمد صلى الله عليه وسلم كان أسوداً فرد عليه محمد كرم وحمود سلطان مؤذن من؟. ولم يبد أي احترام يذكر للصحابي بلال بن رباح مما اثار تعليقات واسعة على الفيديو الذي تجاوزت مشاهداته المليون مشاهدة:
- يستاهل الطرده هالوضيع السافل نحترم اخواننا السود ويمكن يكونون اكثر دين مننا لاكن هذا من جد منحط ويستاهل انه انطرد
- شكله معبي الطاسه واضح انه ماهو طبيعي
- كلنا مسلمين كلنا امة واحدة لافرق بين ابيض واسود وعربي واعجمي كلنا عبيد لله لن ندخل الجنة بالواننا وبانسابنا انما سندخلها باعمالنا ان شاء الله
- باين ان قاعد يضحك مو قاصد لكن المذيع مو عاجبه الضيف ويحاول يطلع بشكل ان مدافع عن صحابه وضد العنصريه
- اهني المقدم على اللي سواه في هذا السفيه اللهم لك الحمد.،.. الحمدلله اللذي عافانا مماابتلاه وفضلنا على كثير من خلقه تفضيلا.
- ماعنده اسلوب لو هو ذكي كان جابها بلفه ولا خلاهم يمسكون عليه ويتفشل هع
- شبلاه هالعنصري؟؟؟؟ زين سوا حمود ما رد عليه .. خله يلقط ويهه الحين احسن اطردوه
- الرجال مايقصد لكن كلن يجب إيقافه لكي يسود العدل وتنبذ العنصرية.. تصرف سليم من المقدم
- الواضح واللي شفناه .. المذيع واطي ويبي يسوي مشكله ،، ومحمد كرم ما غلط وكان يتغشمر
- يا جماعه الكويتي يوم قال هالشي يمزح مع صاحبه وواضح انه ما عنده تفرقه عنصريه لدرجة انه يمزح بها
- بعد مآخلص من آلآستهزآء قآل آنـآ آعرف آلآصول؟سلآمـآتَ لو آنـك تعرف آلآصول كآن تعرف كـيف تتكلم زي آلرجآل وآلنـآس آلي تـخآف آللــهَ عمومـآ تحيآتي لمقدم آلـبرنآمـج قسم بآلله آنـه كآن صـبور جدآ مـع آلـسـفـية الي مـعة ..
- العُمر يالمحترم لا يزيد من الذكاء ولا ينقصه. أن ما قلته في الحلقة أظهرت شخصيتك بكامل الوضوح وأنك إنسان عنصري جاهل متكبر لا يدري وين الله حاطه.. وزق في حلقك :)
- والله كبير المقدم وانا احترمه بس اللفظ كان عنصري ولو طرده اوضربه ما يتواخذ لان قلة الادب هذي مو لازم التعامل وياها بالاحترام
- مهما كنت الأخوة بينهم لابد من احترام المشاهد و ما صدر لفظ عنصري و المقدم كان له ألف طريقة ينهي الموقف و لكن أعجبني يوم قال أن كل واحد يتعلم
- احس ان عقله صغير الصراحه يوم قال ما خلصت ويكرر هالجمله حسيت عقله وصل قد عقل اخوي الصغير
- المذيع تعامل مع الموقف بشكل خاطئ الحين ياخي يومك شفت ضيف غبي وغلطان ياخي وضح له الموقف وسكر الموضوع .. مو تجلس تسوي بطل وانا ما أرضى واسكت وخلصت خلصت خلصت ؟؟ ياتسكته وتكمل اللقاء أو انك تطرده مره وحده .. أما سالفة الشيل والحط هذي أنت السبب فيها لأنك عارف أن ضيفك متخلف
- المذيع محترم جدا جدا جدا واللي طردوه فعلا يستحق الطرد بلا اي نقاش اعوذ بالله منه ومن اشكاله
- بصراحه ما اشره الا على خالد جاسم ليه يجيب هالحثاله فبرنامجه واسمعوا كيف ضحكه الرجال فاشل ومتأخر حتى بكلامه مؤهله ما يتعدى الابتدائية فاشل بكل المقاييس الله لا يلانا بس
- هالمذيع مافى اخبث منة يسوى فتن بين الضيوف
- حلوه كان يمزح وش يمزح فيه ؟؟ اذا لحالهم يمزحون براحتهم بس قدام الخلق كذا لا ياجماعه مافيه شي اسمه مزح هذا يعتبر اهانه حتى لو ضحك اللي معه غيره ينجرح
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
