يبدو أن حرباً اشتعلت بين الإعلاميين المصريين عماد الدين أديب، وباسم يوسف بسبب حلقة الأخير الأولى من برنامجه «البرنامج» التي أذيعت على قناة الـ CBC التي يعملان فيها معاً. فقد أثار قيام باسم يوسف بالسخرية من مجموعة من اعلاميين القناه في الحلقة الاولى من برنامجه ومن بينهم الاعلامي عماد اديب غضب الإعلاميين واستيائهم وقد عبر عماد اديب عن غضبه من باسم يوسف في برنامجه "بهدوء" وهدد بمقاضاته.
وأشعلت هذه الحرب الاعلامية حرباً الكترونية بين محبي باسم يوسف ومجموعة اخرى رفضت تصرفاته وتعليقاته:
@ronaldooo771 باسم يوسف عمل 100 حلقة وشوفتهم والشعب كله شافهم .عماد اديب عمل 16000 حلقة مشوفتش غير هو وبيهاجم باسم ونمت انا وبشوفه
@mohamedwaheed90 سعيد إن عماد اديب فشخ باسم يوسف عشان أنا بصراحة مبحبوش !
@MarwaAteff ماكنش في طريقة ازكى من الاعلان عن برنامج زي ما عمل باسم يوسف ، عفوا للجميع انا لم اصدق ما حدث من عماد الدين اديب تجاه باسم وما هو الا دعايا
@Muhamedelmahdi صعبان عاليا قوي ولاد عماد اديب . أكيد اتعمل عليهم سيرك بعد ما باسم يوسف نفخ ابوهم قدام 80 مليون مصري
@AhmadGhali منتهي السماجه وقلت الحيا الخناقة المفتعلة بتاعت باسم يوسف و عماد اديب في الظروف اللي إحنا فيها دي.دا مش وقت مسخرة يا أكيلة عيش يارخاص
@M__Omer اول مره اتفرج ع عماد اديب .... وكنت فاكر ان باسم يوسف بيأفور طلع كلامه صح انا كبس عليا النوم بجد
@mahamed_kamal انا لو من عماد اديب ..اول ماعرف ان باسم هيقدم فى نفس القناة .. كنت اعترضت مادام او نبهت محدش يسخر منى
@sasasaloma حد موافقنى ان باسم يوسف وعماد أديب..بيعملوا أكبر شو اعلامى لبرنامج "البرنامج" تسويق بس بأحتراف.. ولو عماد اديب صادق يقول رقم البلاغ؟
@noheirismail عزيزى عماد اديب، زى مابتتعامل بهدوووووء و انت بتتكلم عن كل مصايب البلد، يا ريت بردو تتعامل بهدوووء مع نقد باسم يوسف ليك او بمعنى اصح تريقته.
@Eslamelshaer عماد اديب ينتقد باسم يوسف على الحلقة الاولى له في الموسم الثاني و يدعي انه تعدى مرحله الهزار الي السبوالقذف له و زملائه.. فعلا انت شخص مريض
@shorouk_moBdy عماد اديب وهو بيكلم عنه وعن زمايله في موضوع باسم يوسف ده حسيته عايز يقول " احنا اسرة مع بعضشينا "
@booja07 عماد اديب ورفاقه مقدروش يستحملوا نقد باسم يوسف لهم ورفعوا القضايا ، مانتو نازلين شتيمة وتقطيع في خلق الله ليل ونهار ولا انتوا فوق التقد
- على فكرة باسم دة من اتفه خلق الله ومش عارف مين الهايفين اللى بيستخفوا دمه
- انت شكلك مشوفتش الحلقه ي عمووووونا هو جاب فيديوهين ليك و بان خالص ان جنابك منافق فحت يعني و مغلطتش ف صاحب القناة بلاش هبل ..انت برنامجك ينيم اصلا P:
- عماد اديب متحملش نقد باسم يوسف راح رفع علية قضية .. و هوا اصلا مش سايب خلق الله ف حالهم شغال شتيمة و محدش بيقولة حاجة
- حد يسكت الراجل ده قاعد يسب ويقذف وينتقد فى الرئيس ليل نهار هو ومذيعينه ومش قبل حتى ولو نقد واحد من شخص يقول الحقيقة ولميس رداحة وانت انسان متناقد وكذاب ومنافق وخيرى رمضان لايعرف اساليب الحوار يسلم فمك يا دكتور باسم
- بصراحه الحلقه كانت جامده جدا وبعدين كان على طول بيهرج على ساويرس ومعملش زيك كده ولا انت على راسك بطحة
- باسم يوسف هو إللى حيجيب ليكوا مشاهدين اكتر بدل برامج النكد بتعتكوا..
- عمااد ادييب ده رراااااجل محترم ومن اكتر الناس اللى بتفهم سياسه فى مصر باسم يوسف ده تافهه ازاى بتقلس على زملاائك فى القناه ورئيسك
- استاذ عماد حضرتك زعلان اوى دكتور باسم قال حقيقتك انت وكل زملائك زعلان اوى ليه يعنى
- واللهي انتا ياعماد اديب انتا على راسك بطحة انتا وزمايلك وباسم يوسف محترم ويقدم سخرية هادفة كفاية انه بيوصللي الفكرة من غير تلون علشان تعرف بس انك عارف نفسك
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
