أثارت كلمة وزير الدفاع المصري عبدالفتاح السيسي والتي طلب من خلالها التفويض من الشعب المصري لاستعمال العنف يوم الجمعة ضد معتصمي رابعة العدوية الكثير من الجدل والانتقاد وقد تضاربت التعليقات على كلمة السيسي فذهب البعض الى اتهامه بنيته الى جر مصر لحرب أهلية فيما رأى البعض الاخر ان طلبه مقبول ومنطقي وجاءت التعليقات على هذه الكلمة في موقع تويتر:
- خلا كده,جيم أوفر السيسى والشعب خدو قرارهم,كل اللى اتمناه إن السيسى مايغدرش بينا ويدّور علينا بعد ما يخلص ع الإسلامجية
- لا تلظموا السيسي.. المجرمون ينفذون المجازر في العتمة دون سابق إنذار.. السيسي أعطاكم الموعد الجمعة يعني هو شخص محترم!
- قعدوا يقولو مرسى قسم الشعب اهو السيسى هيقتل نص منه .
- اللى بيقول السيسى هايظلم الاخوان بتفويض شعبى اقوله روح اقف ف كمين ف العريش بعد الفطار ولما بضرب عليك نار تعالى احكيلى ع مشاعرك بعدها
- هو ياسعادة الجنرال السيسى هو اللى انتا بتعملوا ده مش اسمو تحريض برضه ولا انا بيتهيألى
- يا جماعة هذا تفويض منى للفريق أول عبد الفتاح السيسى انه يتعامل مع الموقف يوم الجمعه ضد الارهاب والبلطجة والشغب واى شئ سيحدث أى كان
- حاجة واحدة مش لاقليها تفسير ليه يا السيسى انت اللى طلبت مع ان الناس اصلا كانت نازلة وكمان مينفعش تطلع منك لازم فى حاجة ملحة
- حسيت السيسى بيقول .. أرى رؤوسا قد اينعت وحان وقت قطافها .. مش ناقص غير تفويض من الشعب لقطفها
- لو أن السيسي ينوي القضاء على إرهاب حقيقي لما احتاج تفويضا من أحد و من الغباء أصلا أن يطلبه لكنه حقيقة ينوي القضاء على الجماعة و من في صفها
- مسؤلية السيسى السياسه عن اى فرد من شعب مصر دلوقت هو بيعلن انه مسؤل جنائيا عن جرائم يوم الجمعه .نقطه
- قبل اى حاجه انا ضد اى حكم عسكرى تانى و ضد ان السيسى يرشح نفسه فى الرئاسه بس فعلا الراجل اثبت انه عارف دوره و بيعمله صح جدا
- بشار الاسد اعلن الحرب ضد الارهاب وقتل شعبه ...أأسف كل الاسف ان رجالة مصر مش قادرين يمنعو المريض ده
- السيسى اتجنن وعايزيخلص من الاخوان ومعاهم نص الشعب اللى هيتعاطف معاهم والاخوان اتجننوا وفاكرين انهم عادى يحاربو جيش وشرطة ونص الشعب
- احنا عملنا إنقلاب يا حبيبى عشان نحميك من الحرب الأهلية.. يلا بقى نعمل حرب أهلية عشان نحمى اﻹنقلاب
- لما وزير الدفاع السيسى يطلب تفويض للقضاء على الارهاب ! امال احنا كنا فاتحين الجيش ليه مثلا للقضاء على الصراصير و الفئران !
- فرصة هايلة للشعب المصرى ليه تتفرج على القتل لما ممكن تشارك فيه لو عايز أنزل يوم الجمعة و أدعم السيسى الجزار فرصة هايلة
- اتضح أمام العالم أن السيسي يحكم وسقطت سريعا أقنعة المدنية التى حاول وضعها، ولن تخفى نظارته السوداء خيانته لشعبه وإصراره على سفك مزيد من الدم
- السيسى بيحط الشعب فى اسوأ اختبار اخلاقى ممكن حد يتعرضله يا توافق ع الفشخة اللي هيتفشخها الاخوان الفتره الجايه لاء وتؤيدها كمان .
- انا عاوزة مليونية تفويض ضد الغباء اللى فى الشعب اللى لسه مصدق ان السيسى ملاك هينقذ البلد من الأخوان
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
