دعت حركة تمرد المصرية الى التظاهر يوم 30 يونيو الجاري وذلك لسحب الثقة من الرئيس المصري محمد مرسي والدعوة لإجراء انتخابات مبكرة، وقد انقسم المصريين بين مؤيد ومعارض لهذه الدعوة وللتظاهر، وفي استفتاء اجرته صفحة كلنا خالد سعيد على الفيسبوك جاءت التعليقات كالاتي:
- مؤيد للحركة بالفعل لانها نتاج سياسات غلط بس مش مؤيد لما تنوي فعله وهو اسقاط مرسي لانه بصراحة ماينفعش وبعدين يعنى مين البديل البرادعي ولا حمدين كلهم بتوع مصالح
انا شايف انه لهم الحق في احتجاجاتهم ودة مش يديهم الحق في اسقاط شرعية شخص انتخب من شعب حتى لو 51%
- ماالانتخابات جابت الحاكمين الان ؟
- اتمني ان نصل الي نتائج لو فشل هذا المطلب ان نظل كا معارضه يد واحدة في الانتخابات القادمة وستكون السلطة التشريعية للشعب وكذلك الرقابيه
- أكيد مش هنزل إلا لو علشان أدافع عن الدكتور مرسي
- ناس غريبه ممكن ننظر نظره سريع على المويدين للرئيس مرسى وعلى المعرضين هنعرف ان الرجل ده زعيم قادم للامه الاسلاميه وخدو بلكوم انا بقول للاميه الاسلاميه رضا من رضا وابا من ابا.
- انا مع التظاهر وابداء الغضب على النظام وعدم الرضا عنه وعن سياساته ..لكن لا ارى ان هناك مجال لانتخابات رئاسية مبكرة ..الوضع الاجتماعي والاقتصادي لا يستحمل
- نازل علشان ادافع عن كل نقطة دم سالت فى ميادين مصر فى 25 وعند الاتحادية وعن مستقبل وكرامة مصر
- اتقوا الله فى الدماء لهدم الكعبة اهون عند الله من قتل مسلم بغير حق
- اللى يتمرد يتمرد على ظلم سنين مش 9 اشهر بلا كلام فارغ من اول يوم والريس فى قرف ولا نسيته ابو حامد بالدور الخطط شغاله على اول ريس بعد الثورة والمغفلين بقوا كتير بيجرجروا مع الخطط
- انتخابات رئاسية ليه ؟؟ هى اللى فاتت كانت مضروبة
- سنة ١٩٥٤ نزل الاخوان يهتفون بسقوط الديموقراطية و هذا الشهر سينزل معارضي الاخوان يهتفون بسقوط الديموقراطية ضمنيا ... التاريخ يعيد نفسه مع تبدل الأطراف
- موافقه على التمرد على الرئيس لانه لم يحق أهداف الثوره ولم يوفى يعهوده واعلى مش شان جماعته وجعلهم اهل الثقه والواضح والمؤكد انه ليس الذى يحكمنا
- مويد جدااااااااا وكل اللى بيقولو لا اخوان او خايفين على البلد بس انا شايف ان الخوف على البلد مع وجود الاخوان
- ولو أسقطنا الإخوان شعبنا العزيز هيجيب لنا أمثال أبو اسماعيل أو شفيق آه والله
- لو كان البوست ده اتكتب من عشر اشهر كنت احتمال اهجمك انت شخصيا بس تصدق طلع عندك حق.... انا مويد وابصم وامضي
- طبعا نازلين دى تظاهره سلميه بمطالب مشروعه مننزلش ليه احنا مش راضين احنا حتى معدتش عندنا الحد الادنى من الحياه الادميه هنستنا اه تانى
- ولسه فيكي مصر شهيد وراء شهيد ولسه فيكي ناس كتير مظلومين وناس بتتحول لمجرمين من الجوع والفقر و مرسي قاعد بيقول احنا نصبر علي شعب مصر
- لاداعى للتظاهر وعلينا بالتوحد لمواحهة التحديات ، والعامان القادمان هما الحكم
- انا مع المظاهرات عشان تبين لمرسى انه ماشى غلط وان البلد مش بتاعتهم بس مش انه يمشى والهبل ده عشان كده مفيش رئيس هيقعد فيها
- ومين يعارض استرجاع مصر ومصلحة الوطن ؟ اكيد اي مصري اصلى بيخاف على بلدة موافق
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
