تقام اليوم الاحد الساعة الثامنة مساء في ملعب برج العرب مباراة كأس السوبر المصري بين الأهلي وانبي في أجواء مشحونة خاصة بعد تصعيد الألتراس الرافض لعودة النشاط الكروي إلا بعد القصاص من قتله المشجعين في أحداث بورسعيد ، التي راح ضحيتها 73 مشجعا عقب لقاء المصري والأهلي في الأول من فبراير الماضي. والجدير بالذكر أن لاعب الاهلي محمد أبو تريكة كان قد اعتذر ايضاً عن هذه المباراة خوفاً من مذبحة جديدة، وفي موقع التواصل الاجتماعي طالب المغردون المصريون الرئيس محمد مرسي بإلغاء المباراة حتى يتم اخذ القصاص:
- الغي الماتش يا مرسي دا مش لوي دراع و لا تعدي علي سلطات الدولة ..دا لحقن دماء ورحمة باهالي قلبها محروق علي ولادهم
@pixerizer مش فاهم ...يعنى لو حصل مصيبة النهاردة يبقا الذنب على مرسى انه مالغاش الماتش ؟؟ ... بس مفيش اى ذنب على الالتراس الى قرر يقتحم الماتش ؟؟
@UltrasTahrirUTS بنقولها بأعلي صوت .. لو طلعوا قبل الماتش بساعه .. ولغوا الماتش .. مش هيبقي جميل ليهم علينا .. وهيبقي خوف مننا .. كان م الأول يا روح امك
@koka_kassab لو الماتش ماتلغاش يبقى نقاطع .. الموضوع مش صعب ... هنخسركو و مش هنخسر ولادنا
@men3sh الاولتراس على حق لكن تعبيرهم عن الحق دا هو اللى على باطل ....الاولتراس انتو رايحيين ليه الماتش مش الاولى انكم تقاطعو !!!!
@Aiman_Attia وزير الداخليه بيستعبط لو هو فعلا خايف على مصلحة البلد يلغى الماتش ومايدخلش مرسى فى حاجه زى كده
@linawardani تفسيري الوحيد لعدم الغاء الماتش هو الفلوس ليه الانسان ارخص حاجة قبل وبعد الثورة
@RowanElHossary أنا نفسي أفهم إلغاء الماتش حيجيب حق الشهداء إزاي. أنا ال أعرفوا إن حق الشهيد بيتجاب بمحاكمة الناس ال قتلتوا مش بحاجة لا حتجيب ورا ولا قدام.
@mohamed_taha77 مصر كلها عارفة ان ممكن يحصل مجزرة تانية النهاردا بليل فى الماتش ....ومحدش بيعمل حاجة......مبنتحركش غير بعد المصيبة
@555_heba مش عايزة مرسى يلغى الماتش ولكن اتمنى منه انه يلغى الظلم نفسى القى كل ظالم متعلق فى ميدان عام والمظلومين بيقتصوا منه
@DrMohamedaboOuf يا جدعان بلاش فلقه دماغ الي ماتو مامأتوش بسبب الماتش عشان نلغي الكوره ده استغلال للماتش زي ما استغلوا تكريم الشهدا واحتفال راس السنة قبل كده
@NahlaEllewaa يعنى لو ظابط ولا حد من ال ماسكين البلد دلوقتى ابنه هو ال اتقتل ف بورسعيد كان زمانا لاقينا احلى قرار بالغاء الماتش وكمان حق شهداء المذبحة
@DiaaElsherif ممكن لعيبه الاهلى تنزل الملعب وتقول انا مش هلعب الماتش ؟؟ ممكن ؟؟ انا عن نفسى مستبعدها لانى الرجال تظهر وقت الشدائد !!
@M0ZHEL ملحوظه : الداخليه وحدها هي من تملك إلغاء الماتش .. ولن يتم إلغائه غير في وجود خطر حقيقي . ومفيش حد هايروح الإستاد أساسا وهاتقلب مظاهره
@AhmedSelimZ نفترض ان الماتش خلاص هيتلعب و الالتراس خلاص هيقتحم الملعب و حصل اشتباك مع الامن .. كل طرف فاكر انه ليه طار عند التانى و هتبقى مجزره !
@OlaOsman لو الماتش إتلعب النهاردة يبقى الأهلي كده بالنسبة لي إنتهى و كل لاعب ينزل يلعب يبقى إتعلم عليه للأبد!
@amino15 الماتش ده مالوش اي تلاتين لازمة ودمه تقيل و الجمهور رافضه ..هي الكورة بتتلعب ليه اصلا ؟! عشان الناس و لا عشان السبوبة؟
@kazakhelo عدد ضحايا بكرة حيبقي اكتر من ضحايا بورسعيد و اكتر من ضحايا موقعة الجمل و انت بايدك توفر علينا كل ده يا مرسي
@zarzora_alone نفسي الماتش ميتلعبش ولو هيتلعب مرسي يقعد وسط الالتراس ,، عشان يحس بنكبتهم يمكن يحرك القضايا دي بجد ,، و اهو يبقى امنهم
@SalehBec هو الماتش ده هيفرق كتير مع الكورة المصرية يعني .. ما احنا كده كده متنيلين ب 60 نيلة و زي الزفت !!
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
