قامت الراقصة والمغنية المصرية سما المصري بمهاجمة الرئيس المصري "محمد مرسي" وجماعة الإخوان المسلمين عن طريق فيديو كليب ظهرت في ببدلة رقص حمراء ونظارة طبية، الأغنية تحمل اسم "تبلطج"، وعبر كلماتها توجه سما هجوما حادا على الإخوان، وتسخر سما المصري أيضا من مشروع النهضة كما تسخر أيضا من بعض التصريحات لمرسي، من بينها تصريحه المثير للجدل حول انخفاض أسعار ثمار المانجو هذا الموسم:
- علي الطلائع انتي مش راقصة بس ارجل من الف شنب من بتوع الاخوان السلفيين
- ايه القرف ده .. الأخوة اللى فرحانين بالفيديو هى دي المعارضة .. ملعون أبو دي معارضة يا اخي !!
- احنا نعرف ان فى نقد بناء ونقد هدام ونقد موضوعي أو شتام انما نقد مثير :) دي أول مره نشوفها :)
- و الرقاصة هتبقي " ثورجية " وميه ميه لمجرد إنتقادها للأخوان ع العموم الطيور علي أشكالها تقع
- هو انا نزلت الميدان عشان امثالك يتكلموا فى السياسة بالشكل د يا سما اقسم بالله عايز اعيط بجد ع البلد شوفتى انا بعارضك باحترام ازاى :)
- ده مستوى المعارضة ف مصر ,, اخركوا تفرحوا برقاصة !ابقى اتحزموا وهزوا وسطكوا :D
- نموذج حي ومثال واقعي لكل من يهاجم الإخوان ومرسي اللى خلى أحزابهم ملهاش شكل ولا برامج الا معارضة الإخوان . واسلوبهم فى التظاهر سب وشتم وحرق وتخريب وتحرش هيبقوا أنصارهم ايه غير العينة دي والطبقة السافلة اللي بينتموا اليها . فعلا كل تصرف بيعبر عن فكر صاحبه ومستواه
- انا اكرهت الاخوان رغم انى كنت فى صفهم بس بعد ما بشوف اى حد يسالهم عن مشروع النهضه يردو برد سخيف ومبررات كتير عرفت ان اصلا الاخوان كلهم مقلب وحسبى الله ونعمه الوكيل
- هوا نقد منحط اه في طريقة تقديمه .... بس دي ثقافتها كده ده اللي شافته من الإخوان دقون تركيب صحيح بس شجاعه ومش جبانه زي كتير دخلوا جحورهم .... وبعدين مكلفش كتير
- بصرف النظر عن الاسلوب المبتذل المسف الي بقينا بتعامل بيه مع القضايا المهمة و بصرف النظر عن قضية الاخوان كونهم صح او غلط بس اكيد مش هو ده الاسلوب الي المفروض نعلمه لعيالنا في التعاطي مع القضايا امهمة الي جانب انها فعلا دمها تقيل
- و يتعجب البعض عن سبب تأخر امتنا انا مش ملتزم دينيا بس حزين علي مصر الاسلام :(
- يزيد احترامى اكتر لمرسى لما واحده زى دى اللى تهاجمه
- ؟اىاعايزة اسألك سؤال واحد....لوقبل الثورة كنتى ممكن تعملى رقصة واغنية زى ديه على حسنى واولاده
- بصراحة صدق اللي قال ان ناس عشان مبتحبش الاخوان حتي تتفق مع الشيطان لو عرفو بس اهم حاجه الاخوان ميحكموش واديهم اهم بيشجعو رقاصة ما شاء الله
- انا مؤيد للى هى عملته جداً رقاصه .. وبترقص احسن من رجل الدين اللى بيرقص :)
- سما المصري مهووسة بالرغبة في الشهرة ، بس الأغنية حلوة وملعوبة وضحكتني :)) ، بسيطة أهي يا جدعان من غير أفورة :-)
- هولاءخصوم الاخوان الراقصات والعاهرات والفاسدين واللصوص الان عرفت لماذ يحاربون الاخوان
- الكلام الفارغ ده مش في صالح المعارضة, محدش يزعل بعد كده لما حد يقول على معارضين مرسي من الراقصات ماينفعش كده
-اقوي تيارات المعارضة في مصر حاليا هو تيار سما المصري.....علي الاقل متسق مع ذاته و معتمد علي الحراك العام
-أنا معنديش استعداد كمان 20 سنة يجي سؤال تاريخ لابني : اشرح مع ذكر أمثلة - دور راقصات شارع محمد على فى جلاء الحكم الاخوانى على مصر
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
