أثار إعلان تلفزيون كويتي موجة من السخرية والتعليقات على موقع اليوتيوب، فقد اطلقت شركة "كواليتي.نت" الكويتية إعلانا تجارياً مستوحى من الأفلام الهندية، وقد حاز هذا الإعلان على اعجاب العديد من المشاهدين الكويتيين ومن أبرز التعليقات التي جاءت عليه:
-قويه قويه قويه ياكوالتي نت صرنا ننطر دعاياتكم اكثر من اننا ننطر بعض المسلسلات السخيفه
- عجييه احلا لقطه العجوز الي طالع فوق حدها ضابطه الدور
- أحلى دعاية روعه بس أبي أعرف وين صوروها وشنو جنسية البنت ؟
- التصوير في بومبي بالهند وجميع الممثلين من الهند والصوت والكلمات للمبدع بشار الشطي
- عجيبة طالعتها ٧ مرات فكرة وكلمات خطيرة
- الدعايه حلو بس يا ليت كانت خدمتهم احلى من دعايتهم :/. صار لي 6 سنين معاهم و ما شفت من سرعه عدله او خدمه منهم.
- الزين اللي فيهم بسرعه يردون اذا دقيت ولكن يردون عشان يجذبون على العميل للأسف
- تصوير الدعاية .. تذكرني بتصوير الأفلام الهندية القديمة فكرة مدهشة و مذهلة
- هذي الدعايات الكفو الى تجذب الواحد فكره تمثيل شي جديد ابدااااااااع
- شوهالاستخفاف.. الحين كل الكويت هنود؟؟؟ حتى تسوولهم دعايه ستايل هندي؟؟؟
- دعاية حلوة و فكرة جديدة و تدخل الفرحه و السرور. دعاية ناجحه كواليتي
- بشار الشطي مبدع شعله من النشاط هالفنان احبه لأنه متميز عن غيره هذا كلام مو مضبوط .. سوي ينط بعين يموت أنا ما يحب إلا إنت .. بس انت .. من دونك انا والله مو زين فكّر أنا خوف فكره حلوه وتضحك واغنيه متكامله من لحن وكلمات حسيت اني قاعده اسمع رفيق مب بشار الشطي
- يا أخي حبيت هالممثل الهندي ...عجيييب هاهاها
- فكر آنا كووف ..! هههههه يعطيكم العافيه شباب ديرتي الغاليه الكويت الي قاموا ابهالعمل الاكثر من رائع والفكاهي والمميز
-دعايه حلوه بس خدمه اي كلام
- معقوله هذا صوت بشار الشطي؟ غيييير كللش بس برافو خوش دعايه عجيبه
- دعايه حلوه روووعه عندنا كوالتي نت بس ما انصكم فيه فاشل بطيئ كل شوي يفصل
- وين الدعايه مترجمين الفلم ! وكل شركات الانترنت بالكويت اسعارهم غاليه وتعبانه من ناحيه الانترنت يعني لازم كل يومين تتصل عليهم تقولهم ياجماعه الانترنت ضعيف السرعه عندي بطيئه ، لاحياه لمن تنادي وسوف نظل شعوب متخلفه .
- كله كوم والشعار الي اخر المقطع كوم الثواني على الوشوشة الخفيفة قسم بالله عيشوني جو الثمانينات الكويت مادري شعندهم طايحين بالأشياء القديمه ماكذبو يوم قالو الديرة صغيرة مافي شي يخفى على احد
- كفو يا ابو هنود ... قال كويتي اذا هذا كويتي اجل ويش بقيتوا لابو هنود ... حتى حقوقهم في الدعايات تبون تصادرونها ...
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
