أثار إعلان الإعلامي الساخر باسم يوسف، عن توقف برنامج “البرنامج” نهائيًا، وعن أنه لن يعرض مرة أخرى في أي قناة مصرية أو عربية. موجة من الجدل والتعليقات المتضاربة في موقع التواصل الاجتماعي تويتر:
@Blewaaa باسم يوسف فكره و الفكره مش بتموت .. اللى رابطنا ب باسم مش مجرد برنامج
@nadindowney باسم يوسف هتوحشنا الضحكة الي كونت بتلعها مننا في وسط الغم
@Madmedia08 اليوم اصبحت مصر خرساء الصوت الوحيد المستقل الذي كان ينطقها قد اسكت كلنا باسم يوسف
@alaasadek باسم يوسف حقنة مخدرة انتهى تاريخ صلاحيتها
@abd_labib الواحد يزعل من باسم يوسف عشان جاب ورى وألغى البرنامج ولاّ المسكين اذا كمل بضيع فيها هو وعيلته عشان يضحَّكنا بس الأكيد ان كل مصر حتجيب ورى
@ENGTAMER11 باسم يوسف كان مطمئن علي حياته لما كان بيعارض الارهابيين وهم في الحكم... بس خاف علي حياته لما سابوا الحكم.......منطق برده
@aghaniRus برنامجك الساخر أرعب رؤساء و آخرين مثلهم في مراكز قوى وجاه . أرعب من يخفي سر مخجل ويخاف من كلمة الحق أو من انتقاد راقي ضاحك.
@mostafaEL_GARHY سيظل باسم يوسف رغم انف اللي مش فاهمين حاجة مادة توثيقية مهمة اضافت كثيرا للواقع المصري
@habebamostafa12 الناس اللى هتبكى عشان باسم يوسف دول يعنى هو فكرته حلوة وكويس ماشى حبوه بس متنسوش اللى بيزيد عن حده لازم بنقلب ضده
@longlivesegypt MBC مصر لغت برنامج باسم يوسف و تمسكت ببرنامج فيفي عبده...حكمتك يا رب
@KhaledAnwer88 باسم يوسف عامل زى الست اللى كانت متزوجة واحد طيب كانت مطلعة عين أمه, وأول ما أتزوجت واحد شكمها قالت يقطع الزواج وسنينة السوده !!
@Mokhlis_zakeria اللي مصدق ان باسم يوسف متضايق من غلق برنامجه زي اللي زعلان ان الليكود خسر في الانتخابات الاسرائيليه يا ساده انها ادوار تنتهي بانتهاء الدور
@mai_adry بس يا سيدى اعدوا يتريقوا على اخوان عشان بيكرهوا باسم يوسف و بعد ما مسكوا الحكم وقفوا
@KSA_MEDIA لا غرابة في إيقاف برنامج باسم يوسف من إم بي سي مصر. هل فعلا يصدق أي أحد ان هناك حرية حقيقية في قناة سعودية؟
@Dr_MaOh انا اتضايقت جدا لما عرفت قرار الوقف حسيت بضعف منك او بضعف بلدنا اللى عمرها ما حتقوم تانى بس فى الاخر لازم نقولك شكراا
@ mayaaaaaar باسم يوسف قرر وقف البرنامج نظرا لان الاجواء السائدة في مصر لا تسمح بالسخرية السياسية و حرصا منه على سلامته الشخصية !!!
@TheRoosha ما فيش أي أخبار عالمية لم تذكر موضوع د. باسم يوسف. الحاجات دي تأثيرها قوي فعلاً، لكنهم ما زالوا لا يعلمون.
@A_Hassan_Sh3ban كلامه طلع صح لو حصله حاجه اخرها هيبقى هاشتاج للاسف احنا الاحباط قتلنا مع اننا نقدر نذيع البرنامج ع القناة الاولى
@aymanawad132 الضحكة راحتتتتتتتتتتتتتتتتت...انت كنت الحاجة الوحيدة النضيفة فى الاعلام العرة ده والوحيد اللى كان بيوصل صوتنا
@Mohammedtariq_ الحكومة بتراقبنا عادى ميجراش حاجة منعوا باسم يوسف عادى ميجراش حاجة الكهربا لسه بتقطع عادى ميجراش حاجة سد النهضة بيتبني عادى ميجراش حاجة
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
