اثار خبر انتشر على اغلب المواقع الالكترونية السعودية عن استعداد الرياض لاستقبال السياح في اجازة منتصف العام سخرية العديد من نشطاء الانترنت وخاصة موقع التواصل الاجتماعي تويتر والذين بدأوا بكتابة التعليقات الساخرة تحت هاشتاغ #الرياض_جاهزة_لإستقبال_السياح الذي قام أحدهم بإنشاءه ومن هذه التعليقات:
@allawi_arsenal موب مشكله استقبالهم .. المشكله وين تبون تفسحونهم !
@arwa_a_94 إيه عشان يشوفو معالمها وتراثها من حفر ومطبات وارصفة مكسرة لأنه أكيد أشياء مميزة ما قد شافوها ببلادهم أكيد
@63Ams الله يحيهم .. اهم شيء لا تنسون تروحون السينما .. و دزني لاند ... و بحرها النظيف .. وطبيعتها الخلابه
@sho0osho1414 يااويل حاالي كثروا منها بس تكفين يا الرياض لاتستقبلين ولا تتعبين بس ارسلي اللي لنا عندك خليهم يتونسون شوي
@sadeem_alturki هههههههه احلى نكته سمعتها بالله عليكم في احد يجي من برا لين عندكم ولا بعد سياحه وانتو وش عندكم؟ ماغير البرجين
@tawassii كسعوديين مافيها شيئ يشدنا بس لو تسأل الاجانب اول شي بيقولونه الصحراء "النفود"
@m7mdx1 وعلى ماذا تتجهز !! بالرياض لايوجد مانسبته صفر٪ من مقومات السياحة ، لاكن الله يحييكم على الزحمة والغبار :)
@basmaAlmhboob يروحون لمول ويطلعون من مول يروحون مطعم بعدين كوفي ولالا نوديهم البر نركبهم الخيل اللفه بعشره ريال ونجي
@fnkigirl السعودية كلها على بعضها من فوقها لتحتها ومن تحتها لفوقها مومستعده للسياحه ولا السياح ولاتعرف وش يعني سياحه/:
@AzozAlotabe المناظر الخلآبه والأشجار والمزارع لآ تفوتكم ي السياح ، الرياض بجمآلهآ تقآرع باريس وفي حسنهآ تغار منها دبي
@reemnwf اتوقع هالفتره بتكون جاهزه بس انتو عارفين السياح وش يبون؟؟ يبون خدمات يبون تنظيم
@5Fares .أخي السائح جهز نفسك للكثير من الصبات والمطبات والحفريات واعتمد على نفسك في الزحمة.لاتنسى تجهز اثباتك للتفتيش!
@Just1Nada الرياض مدينة أعمال وتجارة مهيب سياحية! إلا اللي يحبون التسوّق أكيد بتناسبهم واعتبرها الثانية عربياً بعد دبي
@abdullah_Rm1 ودي أصير مرشد سياحي للرياض بهالفتره راس مالها أوصيهم على الثمامه والمسافر والقريه النجديه وانتهينا
@haba1990 ع شنو سياحه!! والله الشي الطيب فيها اهلها بس چد جيتها جوها كئيب ولافيها مجمعات سنعه ولا شي
@alajlaas السياح اللي يجون للتسوق فقط، واذا قصدهم تسوق فقط ، انا انصح انهم يشوفون الشرقية او جدة.
@mstlbd الوقت هذا برد شباط يكسر الضلوع خلوه شهر ثاني ياسياحنا الكرام ولا روحو لدبي وقولو مرسولين من اهل الرياض
@Tarook45 هو بصراحة ، فعلا اعتبره كل من يدخل الرياض بيسيح خابرين الاجواء المشمسة صيفا تساعد على السياحة
@y399er410 أي سياح.. يمكن قصدكم المرضى والزوار والمراجعين للمستشفيات والدوائر الحكومية !! هذه السياحة الحقيقية في الرياض.
@me3_a والله اللي يسمعكم يقول هنا جميع مقومات السياحه ، ترا كلها ثمامه وعمارتين ارتفاعها ٣٠٠ متر وشارع تحلية ..
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
