دشن أحد المغردين الكويتين هاشتاغ بعنوان "في أي مسلسل كويتي" وذلك لانتقاد الدراما الكويتية بطريقة ساخرة حيث اعتبر أغلب المعلقين داخل الهاشتاغ أن الدراما الكويتية تكرر نفسها وان أغلب الاحداث واللقطات موجودة في كل عمل كويتي، ومن أبرز التعليقات:
@Tomy_balqees قلبي قلبي يممه شفيك ي ابو جاسم بوجاسم بوجاسم لاتروح وتخليني تكفى وعزا بعدين يجي عمهم ياخذ شركتهم وحلالهم بس
@BoredValley *ترررن تررن* -بو محمد ولدك بالمخفر *موسيقى حزينة* -ولدي بالمخفر!؟.. يطقها جري للمخفر لين تخلّص الحلقة
@ILCapitano_J لازم فيه واحد معاق بالعائلة
@hmo07_ حب - شركة - ديوانية - مخفر - حمود - ولد عاق - بنت عاهره - جلطة الوالد - هواش الإرث -محنة الجدار(حياة الفهد تعلمكم)
@omaralotebi4s لازم تلقى بنت عاقه لوالديها و ولد محشش و وبتاع حبوب . والشايب عنده شركه
@mohand_alsharif تلقى واحد يحب بنت رجل اعمال عشان يتزوجها و يسرق حلال ابوها
@amalaslami19 لازم تلاقي براطم تمشي ع الأرض
@S_ALMSAED الخدامه او الشغاله اسمها ميري
@me_tsa التلفون يدق 24ساعه ويسرعون يردون
@sassos_ar تي لازم وحده تحب واحد متزوج وينفق عنده ولا يحبون بعض اخوان مدري حفظناهن
@Mrasy_ALm لازم تشوف الانسان الشرير تجيه جلطه ويصير على كرسي متحرك وشفايفه ساحبه على وجهه وداخله يمين ! طيب غيروا جيبوله سرطان مثلا
@Sambooce ماتلبس عبايه الا اذا بتروح لساحر او مشعوذ !!
@Mrasy_ALm لازم يكون فيه ( شركه ) طيب ما ينفع البطل يكون موظف حكومي مثلا ؟ ترى مو عيب ولا خطا
@ifars9 شايب مطنوخ تجي مزه تخرفنه يتزوجون يموت تروح تورثه وتاخذ الشركه وعياله يدرون ثم الام تجيها جلطه حفظنا ام السيناريو
@D3dnan ناس اغنياء عندهم شركة وناس يطمعون فيهم عشان الشركة وفلوسها .
@dr_itti55 اكتبلي توكيل ، ولازم اللي يكتب التوكيل ع نياته والثاني بيغدر فيه وتجيه جلطه
@azoooz20122011 بنت متزوجه وتخون زوجها بنت مخطوبه وتعرف شبااب وتقابلهم من وراء خطيبها انحلال اخلاق
@iMoTioNzl لازم يكون فيه وآحد آسمه جآسم
@seera94 انواع المشاكل والعقد طول المسلسل واخر حلقة تصير الحياة وردية
@MariamAlsuhaimi لايخلو كل مسلسل من جمله " منو يانا هالحزه ".
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
