قام أحد المغرديين السعوديية بإنشاء هاشتاغ ساخر #لو_كان_الإنستقرام_سعودي لتخيل كيف سيكون موقع الانستغرام لو كان سعودي وقد تفاعل العديد من المغرديين مع هذا الهاشتاغ الساخر واطلقوا العنان لخيالهم الساخر:
- كان البنات م يقدرون يسوون حساب الا بوجود محرم
- كان تسجل بياناتك في الأحوال المدنية وإذا جيت تنزل صورة تسوي تعهد بمكتب العمل وبتغير إعدادها تاخذ خطاب من المرور"
- اذا جيت تسوي فولو لبنت يجي يقولك : على وين يالأخو؟ عوايل عوايل.”
- كان يصير برسوم ولا يُعلن عن مبيعاته ولا ندري وين تروح له الفلوس ودائماً تجينا رسائل اشعار بإيقاف الخدمة للصيانه
- كان ما تدخل الا برقم سري وكل الشعب مقفله حساباتها خايفين من العين .
- كان للحين على الأصدار الأول ، ولا نزل له ولا تحديث*تحت الإنشاء
- بيقولك صدق الصوره في الغرفه التجاريه و بعدها تعال سو طلب "رفع صوره" وتشكل لجان لمناقشة الطلب. بيعطونك رقم معامله.
- مراجعة اقرب فرع للوزارة لمصادقة البيانات ، ودفع رسوم ، والي عليه مخالفات ساهر مايسجل الين يسدد
- اتوقع الهيئه يسوون حساب ويصورون الشباب المنطرحين ولازم كل اسبوع تدخل بطاقة احوالك عشان ما يقفلون الحساب
- يكون عليه رسوم اداريه ورسوم تجديد ولو نزلت صور خادشه لاحياء تدفع مخالفه ويتوقف الحساب اسبوع وتمنع من السفر سنه
- كان كلفهم الشعار 100 مليون :) و التسجيل بالرقم المدني و الحرمة ما تنزل صور بدون محرم
- هو الحين موب سعودي وماسلمنا لو صار سعودي وش بيصير اكثر ؟!
- عليك حضور٢ شهود و ٢مزكيين وشهادة من امام المسجد وورقة تعريف من العمدة وشهادة حسن سيرة وسلوك من المدرسة او العمل
- كان حطو بدل زر اللايك زر :"قل ما شاء الله!!" وبدل ايكون القلب يطلع ايكون تفلة عل الصورة..
- الأجانب يحتاجون كفيل سعودي .. وكل شهر لازم كل واحد يعطي كفيله فلوس عشان ما يلغي اشتراكهم
- مايحتاج يكون سعودي الشعب ماشاءالله طايح فيه بدون
- كان الأحرف المميزة للبيع فقط وطبعاً راح يكلف البرنامج 90 مليون ريال
- ومن قال مهو بسعودي الحين…صور الاكل فيه تخليك تخش الآب وتشم ريحة الاكل كنك داخل مطعم مثلوثة
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
