قدم الإعلامي الساخر باسم يوسف، اعتذارًا عن مقاله الذي أثار أزمة الأسبوع الماضي كونه منقولاً عن كاتب بريطاني وذلك بعد تعرضه لعاصفة من الانتقادات بسبب هذا المقال، وقد جاءت ردود الفعل على اعتذار باسم يوسف متضاربة، فهناك من قبل الاعتذار معتبراً ان اعتذاره يكفي وانه تعامل مع الموضوع بطريقة صحيحة، أما القسم الأخر فاعتبروا ان الإعتذار لا يكفي وأن خطأ باسم يوسف أكبر من أي اعتذار:
@egypetoo رغم ان باسم يوسف اعتذر إلا ان الناس بردو مازالو منقسمين ناس بتقول اعتزار مش كافي و ناس بتقول اعتزار مقبول و اعتذار بالذال مش بالزين يا ولاد
@daliaref3at السيساوية مش قابلين اعتذار باسم يوسف ومصدقويجلدوه على غلطته,طب لو الجيش اعتذر وده مش هيحصل على غلطة اختراع الكفتة مش هيقبلو اعتذاره برضو!!
@rania8salah3 انا مقتنعه ان ربنا ستار وعمره مابيفضح حد من اول مره. الانسان بيتفضح لما يغلط كتير. دا الخاطر اللي جالي لما قرأت اعتذار باسم يوسف.
@Ebn3mMsr ايوا .. انا مش قابل اعتذار باسم ... بس في نفس الوقت اللي بيعمله هو الصح
@saywaga لو كاتب يابانى سرق مقال واتفضح فضيحة باسم يوسف كان أقل اعتذار عندة ينتحر تسعميت مرة .. مش يطلع يستهبل عشان عارف إن خرفان حتصدقة وتستمر تصدقة
@drmalaktaher26 اعتذار باسم يوسف الجديد ف الشروق احسن كتير لكن للاسف وكما متوقع معتذرش عن كونه سرق صهيونى
@ahmedgamal24 اعتذار باسم يوسف اعتذار حقيقي بعد مكابرة لأكثر من مرة، أن تأتي متأخراً أفضل من ألا تأتي، الاكتفاء بـ البرنامج أفضل وأكثر تأثيراً من المقال
@hananrmam نقبل اعتذار باسم يوسف يكفي انه اعتذر عن مجرد مقال بينما المسئولين وعدونا بجهاز يشفي من الإيدز و فيرس سي و لما طلع كدب ما حاولوش حتي يعتذروا
@hossam_k1 اعتذار محترم جدا من باسم يوسف قمة الندم وجلد الذات ولوم النفس واحترام القارئ والمتابع اعتذارك مقبول يا ابو نادية :)
@SanDiiiDiii باسم يوسف قدم اعتذار عظيم ! دماغكو بقي ! مبتصدقوا تلاقوا جنازة تشبعوا فيها لطم !
@a7madhamdy مقال اعتذار باسم يوسف يحمل بين طياته قدر من الشجاعة و الذكاء قل أن تجده على الساحة حالياً .
@hodanegm1 اعتذار باسم يوسف شئ محزن ..اشمعنى انت عايزنا نعذرك وان كل بنى آدم خطاء وكدهون وانت كل يوم بتقطع فى لحم الحى !!
@MarmarNagy انا فخوره انى من محبين باسم يوسف رغم ان غلطته صغيره ومش مقصوده بس مبطلش اعتذار فى ناس و اولهم اللى بيهاجموه اخطاءهم فادحه ومع كده بيلوموه
@ReHaB_H_Sh باسم يوسف لقى الناس عجبها الاعتذار ساق فيها ومش قادر يبطل اعتذار !
@saraayacoub باسم يوسف عمال يستجدي عطف الناس بواقع تويتة اعتذار كل خمسة دقائق!
@kasemhenish ﺍﻻﻋﺘﺬﺍﺭ ﺍﻟﺬﻯ ﺻﺪﺭ ﻣﻨﻪ ﻓﻴﻪ ﻛﻤﻴﺔ ﻣﻦ ﺍﻟﺘﻌﺎﻟﻰ ﻭﻣﺪﺡ ﺍﻟﺬﺍﺕ ﻭﺗﻠﻤﻴﻌﻬﺎ ﻭﺍﻟﻐﺮﻭﺭ ﻋﻠﻰ ﻧﺤﻮ ﻳﺪﻓﻌﻚ ﺍﻥ ﺗﺤﺘﻘﺮﺓ ﺍﻛﺜﺮ ﻭﺍﻛﺜﺮ ﻭﺗﻘﻮﻝ : ﻻ ﺟﺪﻳﺪ
@doaaelsordy اللي مش عايز يتقبل اعتذار باسم يوسف يتحرق !! على رأي باسم يوسف انت بقيت في بلد مهما هتعمل هتتشتم فأعمل اللي انت مقتنع بيه و ملكش دعوة بحد
@bahialashal اعتذار باسم يوسف مش مهم نقبل الاعتذار او نرفضه مش مهم هو غلط ولا مغلطش . متهيقلي اقل موضوع في البلد اهم من الهذي بتاع المقال ده
@ahmedkhairy5 اعتذار باسم يوسف الصادر اليوم امر غايه في الرقي و الاحترام و امر يقدر و نموذج لما يجب ان يحدث عند الخطأ
@Ternz اعتذار باسم يوسف صادق وفيه حسن نية. بس لازم اقول ان لهجته ركيكة. لازم يبطل كتابة لغاية مايتمكن منها.
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
