علقت الاعلامية بثينة كامل أثناء إذاعتها تقرير حول قرار وزير الداخلية المصري بعزل مدير أمن سيناء وتعين نائبه بدلاً منه في نشرة الخامسة، “شالوا ألدو حطوا شاهين"، مما جعل وزير الإعلام المصري يصدر قراراً بإيقافها عن قراءة النشرات الإخبارية على شاشة التلفزيون المصري بشكل نهائي، وإحالتها مع فريق عمل نشرة الخامسة إلى التحقيق، يذكر أن جملة “شالوا ألدو وحطوا شاهين” مأخوذة من أغنية مشهورة لثلاثي أضواء المسرح، كانت تتهكم على لاعبين مشهورين بفرق الكرة الأول بنادي الزمالك المصري:
@Elma7roossa بثينة كامل متحولة تحقيق عشان موضوع "شالو ألدو جابو ".. هيتحقق معاها بكره الصبح، مين هيروح ماسبيرو الصبح الساعة ٩ يتضامن مع الست المجدع؟
@Nashwa14 مش مبتدئه ولاتلمييذه عشان تغلط هي كانت تقصد الي حصل وعارفه ان الصوت
@Nehal_sala7 لو فعلا تقصد عرض رأيها ع الهواء فى النشرة الاخبارية فده مش مكانها.. النشرة لاذاعة الاخبار وليس عرض الاراء وتستاهل التحقيق معاها
@yehiaya شالو الدو و جابوا شاهين ..شالت بثينة كامل
@amrelrawi هو العيب أنهم مقطعوش الإرسال علي بثينة كامل ولا في اللي قالته !؟
@SaharAbbas واجعهم قوي اللي قالتة بثينة كامل والمهازل والمهاترات اللي بتحصل في أي قناة عادي...إنتقام
@Enalrachid قطاع الأخبار : التحقيق مع الإعلامية "بثينة كامل" بسبب عبارة "شالو ألدو جابوا شاهين" عينى عليكى يابثينه وقفتى معاهم ال18يوم و كمان بيحسبوكى
@heba569 بثينة كامل بتألش ع الهوا
@Dr_M_S_Mahfouz تحويل بثينة كامل للتحقيق هو إجراء روتيني.. ولكن عقابها سيكون جهلاً..
@qamar_mohamed تحويل بثينة كامل للتحقيق أمر طبيعي .. دي كانت نشرة إخبارية مش برنامج حواري
@AhmdAlish ظهور صوت بثينة كامل بدون قصد على التقرير "شالوا ألدو" بالأساس مسئولية فريق النشرة من فنيين ومخرجين مش هي, كل المذيعين بيهرجوا في الفواصل
@sasafared مع اختلافي الشديد مع بثينة كامل ولكن منعها من الظهور تعسف شديد ... لو كان القرار صحيح يبقي يلا السلامة علي مصر ... ربنا يستر
@Mohamme_meligy بثينة كامل يتم منعها من تقديم النشرة بعد الثورة من خلال وزير الاعلام الاخواني.دول ماشيين على الخطة بالظبط هو مرسي قال ياراجل كبر مخك ولا لسة
@moneimpress اتفق تماماً م قالته بثينة كامل شالو الدو حطوا شاهين لكن التعليق ده يقال لما تكون انت ضيف ف برنامج مش بتقرا نشرة اخبار
@Ziad_Ouf انا كنت فاكر بثينة كامل مظلومة و بتاع .. ايه الهبل اللى عملته فى النشرة ده
@azzamoh_20 يعنى يا خويا بيحققوا مع بثينة كامل عشان شالوا الضو وجابوا شاهين.. ليه يعنى هى كانت جابت سيرة ام الضو ولا المزة بتاعت شاهين مايشوفوا الجرايد
@amyahmed2000 وزير الإعلام منع بثينة كامل من قراءة نشرات التليفزيون بلا تحقيق يالا بلا قرف كفايه علينا شفناها المده دى........هم فاكرين اُعصابنا حديد
@ahmedkhair للي الناس اللي برأت أ.بثينة كامل وقالت انه خطأ مهندس الصوت..مبدئيا الكلام ده مش صحيح.. لأن في الأخبار الصوت مفتوح دائما تحسبا لأي خبر عاجل
@islamabdallaa وزير الإعلام يمنع بثينة كامل من الظهور على التليفزيون المصري فين بقى مؤيديها الخمشاشر اللى هيحشدوا من اجلها
@salamah بثينة كامل اتمنعت عشان قالت أثناء النشرة: شالو ألدو جابو شاهين عن مدير امن سينا. خطأ مهني صريح يتحمله المخرج معها. لكن وقفها بدون تحقيق تعسف
@saadnagar رغم انى بأحترم بثينة كامل ورغم ان اللى قالتته مش غلط إنما الحق حق المهنية تقتضى انها تتحاسب على اللى قالته
@MarvelTwt هذه هي المرة الثانية التي تُمنع فيها بثينة كامل من قراءة النشرة الإخبارية، بعد إصرارها من قبل على ختم النشرة بجمل ثورية مثل عاشت الثورة.
