هاجمت ميار الببلاوي الفنانة إلهام شاهين بسبب تصريحاتها الأخيرة، وقالت أن الدين خط أحمر فهناك موضوعات كثيرة يمكن تناولها بعيدا عن الدين
و قالت ميار الببلاوي خلال حوارها مع الإعلامية راغدة شلهوب في برنامج (سابع سما) بأن شاهين فنانة موهوبة وأُستاذه فى الفن، ولكن بأن تتكلم عن الدين فهذا أمر غير مقبول وغير لائق بالمرة وعلقت عليها قائلة:(الفنانة الجميلة إلهام شاهين أُستاذتي ومُعلمتي.. للأسف الشديد تصريحاتك الأخيرة عن الدين معجبتنيش، وكمان تصريحاتك بقت كتير).
وتابعت : (في مواضيع كتيرة ممكن تتكلم فيها عندكم السياسة، الفن، الأدب، الموضة أي حاجة بس الدين خط احمرلأنه مش قابل لوجهات النظر هو نزل من ربنا واتنقل عن طريق النبي وفي شيوخ اجلاء وهي استاذة في مجالها وكنت بحلم اشتغل معاها).
كما تحدثت عن المخرجة إيناس الدغيدي وقالت: (كفاية اللي بيحصلي لحد دلوقتي وهي مضربتنيش على ايدي علشان امثل لكن لو مكنتش اتحطت في طريقي مكنتش عملت المشهد، والمشهد كنت موافقة عليه لكن أنا مرتحتش وكانت عنيفة جدا في اللوكيشن وبهدلتني علشان اعترضت على مشاهد).
وعن منى زكي قالت (أنا بموت فيها وكنا أصحاب من قبل ما تمثل واشتغلت معاها حاجات حلوة وهي فنانة كبيرة ومشهدها في أصحاب ولا اعز أنا مأخدتش بالي منه ولكل جواد كبوة ومينفعش نغفل تاريخها).
و تحدثت ايضًا ميار الببلاوي عن علاقتها بليلى علوي وقالت أنها تحترمها كفنانة وتابعت: (أنا اشتغلت معاها فيلم واحد وهي مكنتش حباني ومعرفش ليه وكانو مسميني شبيهه ليلى علوي وهي قالت لصحفي مين دي اللي تبقى شبهي فانا اضايقت بس بحبها كفنانة).
