ردت الفنانة المصرية لقاء الخميسي بقسوة على متابعة وجهت لها إهانة، وكانت لقاء الخميسي قد نشرت صورة تجمعها بصديقاتها عبر انستغرام.
وعلقت إحدى المتابعات قائلة: "لو عيل من عيالي فكر يقولي هتجوز واحدة بشعرها أو مطلقة أو مدخنة همسح بيه الأرض كفاية الستات والأمهات اللي بشوفهم يوميًا زي الصورة دي وبتخض على مستقبل بناتهم اللي أكيد هيقلدوهم معرفش ليه بتكرهوا الحجاب كدة".
هذا التعليق أغضب الفنانة المصرية لقاء الخميسي والتي ردت على المتابعة :"يا أستاذة هالة يومك جميل إن شاء الله، للأسف الشديد أنا سمحت لنفسي أخد البوست بتاع حضرتك من غير استئذان ودة مش صح بس علشان أقول لحضرتك كلمتين ياريت تقريهم كويس"
وتابعت: "مش من حق حضرتك تاخدي صور ناس وتحطيها عند حضرتك وتذميهم وتدخلي في اختياراتهم لحياتهم، مش من حقك اصلا تختاري حياة ولادك لانهم ليهم كل الحق في الاختيار، مش من حقك تحكمي على أخلاق الناس وحياتهم لأنك مش واصي ولا ولي فياريت حضرتك تخليكي في نفسك وتطوري من نفسك وتغضي البصر لو مش عاجبك الصور ودعي الخلق للخالق، كل حي ادرى بحياته واختياراته وعليكي احترامه والتزام الصمت، شكرًا ويوم سعيد".
وعلى الصعيد الفني شاركت لقاء الخميسي في الموسم الرمضاني في مسلسل "ضد الكسر" مع نيللي كريم، ومحمد فراج، ومصطفى درويش، وتارا عماد، ونور إيهاب، ولقاء الخميسي، وكوكبة لامعة من نجوم الفن والدراما، من إخراج أحمد خالد، وتأليف عمرو الدالي، ومدير التصوير أحمد عبد العزيز، وإنتاج جمال العدل بمشاركة الشركة المتحدة للخدمات الإعلامية.
