لم تفوت الراقصة سما المصري فرصة انتقاد شيرين عبدالوهاب حين وصفت مازحة مياه النيل أنها تحتوي البلهارسيا، وتستمر المصري بأن توجه سيوفها على الفنانات حين يقعن بالمشاكل لتظفر بالشهرة، كما يقول جمهورها.
نشرت المصري صورة قديمة لشيرين، على حسابها على "انستغرام"، وعلقت عليها بقولها: "كنتي مش لاقيه حتي تشربي ميه البلهارسيا لا انتي عارفه كنتي بتشربي ميه ايه.. ايوه هي الميه الصفرا دي هي دي للي كنتي بتشربيها اللي كلها املاح دي.. دي فعلا اللي تليق ليكي"
وعلى الصورة القديمة كتبت:"دي صوره الاخت الفنانة شيرين ايام ما كان عندها بلهارسيا ايام ما كانت بتشرب من ميه النيل قبل ما تتعلم انجليزي وتعرف تقول اسم الميه المعدنية بالإنجليزي.. اللهم يرحم كنتي زمان فاكره الليبتون دا رئيس أمريكا وكنتي فاكره الكريسماس دي آيس كريم أنتي اللي قلتيلي كده فاكره؟؟".
وأضافت: "بصي أنا مش هقولك مصر اللي عملتك ولا مصر اللي نضفتك زي ناس كتير ماهتقولك كده لا سمح الله. لا انا هقولك ميه البلهارسيا دي بتاعت مصر...عارفه يعني ايه مصر ولا مش عارفه ؟؟ هي الميه دي اللي خلتك شيرين والعيب مش عليكي العيب ع اللي لسه بيقول عليكي فنانة ونجمه وإنتي طايحه في خلق الله مره عمرو دياب ومره شريف مدكور وصوتي لعساف ضد أحمد جمال ابن بلدك".
وتابعت: "بلد البلهارسيا ماتنفعش تعيش فيها واحده زيك بتاعت ميه معدنيه وفساتين براندات وبارفانات وحاجات سيبي دا للغلابه.. فاكره مطعم الهابي دولفين في المنيل اللي نصر محروس اخدك منه وانتي بتغني هناك بالشبشب ابو ورده؟؟ لسه موجود المطعم ويشهد انك(..) ياتروحي لبنان يا تعتذري لمصر.. مصر اللي عملت منك فنانه وتعتذري للمصريين كلهم....ملعون ابو الشهره ياشيخه اللي نستك اصلك واهلك وبلدك.. مصر بتمسي عليكي بصورتك القديمة دي وبتقولك اوعي تنسي نفسك.. طبعا الحبيبه هيقولوا لي بصي للبسك الاول.. ايوه بالبس كل حاجه وحشه في نظركم بس لا اهين بلدي واللي يهين بلدي اقطع له لسانه حتي لو اه ياليل... اخس ع الفلوس اللي بتغير النفوس".
وكانت إحدى معجبات شيرين قد طالبتها بغناء أغنية "ماشربتش من نيلها" في إحدى الحفلات، فردت الفنانة المصرية مازحة: "هيجيلك بلهارسيا.. اشربي مياه أفيان أحسن"، ومنذ انتشار الفيديو رفعت ضدها دعوى قضائية استنادًا لقانون العقوبات الذي ينص على :" يعاقب بالحبس وبالغرامة كل من أذاع عمدًا أخبارًا أو بيانات أو بث دعايات مثيرة، كان من شأن ذلك تكدير الأمن العام وإلحاق الضرر بالمصلحة العامة".
وكانت نقابة الموسيقيين أصدرت قراراً بإيقاف شيرين عبد الوهاب عن الغناء في مصر، وإحالتها للتحقيق بتهمة الاساءة لبلدها مصر خلال حفلها الأخير، وعدم منحها التصاريح اللازمة للغناء في الحفلات، إلا عقب مثولها للتحقيق أمام النقابة.
