البوابة-اعتذرت فتاة تدعى منيرة عبر صفحتها الشخصية بموقع الفيديوهات القصيرة (تيك توك) للفنانة شيرين عبد الوهاب وشقيقها محمد بعد ادعائها في فيديو سابق أنها شقيقتهما من الأم.
وبعد تداول رواد مواقع التواصل الاجتماعي الفيديو بشكل كبير، وخروج شقيق شيرين عن صمته وتهديده لها برفع قضية ضدها بسبب كذبها، خرجت الفتاة منيرة في فيديو جديد قالت فيه: (احنا شعب بطبيعته بيحب الهزار ولكن أنا مشهرتش بشيرين، اللي شهر بشيرين اللى روج للفيديو دون التأكد منه، يا شيرين حقك عليا انا كنت بهزر والناس اللى خدته بجد عايزين يعملوا قلق).
بدوره كان محمد عبد الوهاب شقيق شيرين قد كتب عبر حسابه على موقع (فيسبوك): (حسبي الله ونعم الوكيل، أهو زي ما إنتو شايفين كده ناس مريضة وناس حقودة، وناس مقرفة وناس غلاوية وبلاوي بتتحدف علينا وناس أقسم بالله ولا لينا علاقة بيهم مستنقع قذارة وخلصنا من لوسي جابتلنا توتي، وناس ولا تعرفنا تطلع تقول علينا كلام كله افترى ما يعلم بيه إلا ربنا).
وتابع: (ودلوقتي واحدة بتقول إنها أختنا من الأم وبكرة واحدة تانية من الأب وشوية ونلاقى اخواتنا في الرضاعة كمان، ما هي هيصة بقى ومش هنخلص، مش عارف أقول حسبي الله ونعم الوكيل على مين بالضبط على الناس دي ولا على اللي حطنا في الليلة دى غصب عننا، وسيتم تقديم بلاغ رسمي ضد المريضة دي نشوف إيه حكايتها ومين وراها).
