في ظهور جديد لها عبر قناتها الخاصة على يوتيوب، خرجت الفنانة حلا شيحة عن صمتها وتحدثت للمرة الأولى فترة خلعها الحجاب وزيجتها الفاشلة من الداعية المصري معز مسعود.
حلا شيحة تتحدث عن تفاصيل زيجتها من معز مسعود
وفي فيديو مؤثر بثّته عبر قناتها الرسمية على “يوتيوب”، فتحت حلا قلبها لجمهورها، وقالت: "لما لبست الحجاب المرة اللي فاتت، كنت فاكرة إن الخطوة دي هتكون بداية حياة روحانية مستقرة، وإن الزواج ده هيكون عون ليا، بس اكتشفت إنه العكس تمامًا. الدنيا اتشقلبت عليا، والزواج ده ماكنش فيه الراحة ولا الاتزان اللي كنت محتاجاه”.
وأضافت: "الانفصال كان صدمة مزدوجة.. كنت حساسة جدًا وكل حاجة كانت بتوجعني، وبدأت أحس إني مش أنا. الغضب جوايا وصل لمرحلة إني زعلت من ربنا وكنت بقول: أنا سبْت الدنيا وجيتلك يا رب، ليه مش واقف جنبي؟ بس لما فكرت، فهمت إن ده كان غضب مش في مكانه.. كنت بانتقم من نفسي، من حلا اللي اتربت على الطاعة والهدوء والقرب من ربنا”.
وأكملت حديثها قائئلة: "بعد الطلاق، سمعت كلام بيقول إن الناس اللي عندها أولاد وبيضطروا ينفصلوا بيتعرضوا لصدمة نفسية بتأثر حتى على كيمياء دماغهم… وأنا حاسة إن ده اللي حصلي فعلًا، حسيت إن حاجة جوايا اتكسرت”.
وتفاعل الجمهور مع تصريحات الفنانة المعتزلة حول تأثير الانفصال عن حياتها وسط تساؤلات عن اشارتها إلى أن الحالة النفسية بعد هذه الزيجة هي السبب وراء خلع حجابها قبل مدة.
