تستعد منطقة حوض البحر الابيض المتوسط لاستقبال العاصفة الثلجية "اليكسا" وانشغلت مواقع التواصل الاجتماعي بالحديث عن العاصفة ولم تخلو بعض التعليقات من السخرية:
@mohammad_sami1 قال يا فلان اليكسا تجمد عضمك ودمك وبلدك .. رديت وبعالي الصوت تخسون: دام الحضن موجود تم تجميد اليكسا وانت مغبون
@Haytham_Abusall "كلها يومين وبتقطع اليكسا " شوفو الشعب اللبناني كيف ولا فارقه معاه العاصفه :)
@Sanaapalestine خبروني انو في الى اخت روسيه اسمها اليكسا ...اليوم جايي ع غزه رح التقي بيها .. ما بعرف هيك خبروني :)
@naya_syr يخربيتك يا اليكسا شو هالعزم هاد حاسة البيوت رح تطير شو صار بالخيم يا ترى
@MohanadKhalaifa الهاشتاق اليكسا يوحد بلاد الشام لبنان الأردن سوريا فلسطين و هو ما عجز عنه العرب على امتداد تاريخهم
@jomanasam1 2h اليوم أحلى من إنك تروح جامعة أو دوام .. اليوم بس للنوم أو للعب في التلج غير هيك كفر ثم كفر ثم كفر في المشاعر الإنسانية
@WBilbise اليكسا وصلت الضفه الغربيه ولازالت تمشي على مهل مرعبه الاطفال والكبار..وعطلت المدارس والجامعات
@saksoook نفس الغلطات كل سنة ... واضح انه احنا شعب له ذاكرة الفراشة ويرفض التعلم ... طوابير خبز وكاز وبنزين وأزمة زي كأنه بكرة ضاربنا نووي مش اليكسا
@EK_Yahya والحشا ظنطر بدني من كتر صور التلج والتغريدات عن اليكسا دخيل اجريكون حاج تقهرونا ولووووو ارحمونا نحنا القريبين خط الاستواء استوينا
@drahmad78 ماحدا يفيقني اذا ماتلجت... اليكسا يااليكسا ريتك تقلبي اليسا .. خلي هالشعب ينبسط..
@yasetsaa يبدو موجة البرد يلي عم يحزرونا منها من فترة ..شاملة كذا بلد عربي مجاور .. لا ومسمينها اليكسا !! سترك يارب
@xmanw2011 ما ناقصك يا محاصرة كان غير اليكسا مشان تكمل معنا الثلوج تغطي حمص المحاصرة الأن
@_iNews_ عزيزي الجو فهمتنا غلط بدنا ياك انت اتلج مو نحنا . عزيزتي اليكسا الحكي موجه الك كمان :-P
@varavitsh وزارة الكهربا تعلن أن نور اليكسا كافي ووافي فلشو البعزقة!! ستُقطع الكهرباء و عليكم بالإكتفاء بما ستقدمه لكم الروسية الشقورة!! يؤبش
@sayyasara حدا يشوفلنا اليكسا بتنزل ع ضرة ...???
@Hindzohbi كل م ترعد الدني بيقولولي ااجججتت اليككسا.. ااه صرت خاف منا حسسوني اليكسا هي ام رعيدة!! فايتي طب بتختي وناام تصبحوا ع ام يورغو "اليكسا"
@woolf_77 الاسطوره تقول : جمال البنت الروسيه يبعث الدفئ لكن هناك فتاه اسمها اليكسا ستجعل اللبناني يقول " كم اعشق دفئ الفتاه البنغلادشيه ":|
@fouadkhreis نشكر العاصفة اليكسا على هذه التقديمات : ما في عجقة سير ، المطاعم فاضية ، النفق مفتوح ، المدارس معطلة ... ولا زالت العواصف في دياركم عامرة
@IsraaMortada اليكسا خليكي عنا حتى نضل معطلين :p
@miladhad التدخل الخارجي الوحيد الذي اتفق حوله اللبنانيون هو العاصفة اليكسا... يعني فيه امل نصير نشوف الأشيا كلنا بذات الطريقة
@miqdadi1984 طب ب لبنان اسمها اليكسا بالأردن شو؟ وضحة ؟ ولا فيعان برضه؟
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
