غرد معلم سعودي على موقع التواصل الاجتماعي قائلاً " دخلت الفصل وسالتهم اي واحد نصراوي يوقف .. محد وقف ( الي قال هلالي والي اهلاوي والي اتحادي) ااخ كنت ناوي عليهم بس الله ستر" هذه التغريدة جعلت عدد من رواد موقع التواصل الاجتماعي تويتر يتهمون المعلم بأنه قام بتهديد طلابه من مشجعي فريق النصر الامر الذي اثار موجة من الجدل تحت هاشتاغ #معلم_يهدد_الطلاب_النصراويين :
@klylh_83 بعض المدرسين احس عقولهم اصغر من عقول طلابهم حسبي الله عليك انت جاي تدرس ولا تتمنذل على البزران
@lna0506 ارهاب الاطفال بكل انواعه لانه اختلف مع في الميوله اسلوب رخيص من معلم رخيص
@osi119 يمزح او قالها من باب التريقه شفيكم طلعتوه مجرم !!
@emy_rsf صارت طائفيه ، تراها كوره ماتوصل لهالدرجه كبروا عقولكم يا طواقي
@0000s_a اتوقع ان الرجال قالها يمزح مع الطلاب اكيد بس انتوا تحبون تهولون الامور يالفقراوية ماتصدقون علي الله
@nouf72013 مفروض يعاقب.. مالك دخل انا اشجع ايش .. الدولة وظفتك تعلمني مو تعاقبني وش احب وش اكره !!!
@haf11097 الموضوع جدا عادي انتم تكبرون السالفه حلو ان الاستاذ يتكلم معاهم عن الواقع لكن برضو لازم نوعيهم ان التعصب مو زين
@Noor_9511 يالمتخلف وش دخلك فيهم عشانك هلالي وهم نصراويين يعني !! تباً لك
@Ruba28223897 مدرس يشتغل بالتربيه والتعليم وهو يحتاج إلى تربيه وتعليم ؟ هنا أقدر أقول حشيش
@yousifalroge المهم الرجال. قمط العافيه. وحذف حسابه وسمعت انه دفن. الايفوون. علشان ماحد يكشفه ههههههههههههههه
@MZR_F16 غريبة !! يمكن المعلم يمزح وزي كيذا ،، لو كان يتكلم جد ما اقول الا اهل العقول نعمة
@v2v2_1 معلم ويمزح مع طلابه ويحدثهم بمايهتمون به في أول يوم دراسي لكن هناك من لديه حساسية زائدة من المعلم
@mlek26 كان يتوقع انه بيشتهر ويصير فلة وللاسف جات على راسه وما استغرب لما الوزير يرسل تهديدات للمعلمين بسبب هالعينة
@05Ade ﻻبد ان يصل الموضوع لخالد الفيصل حتى ينظف التعليم من مثل هذي العقليات
@hmo_i ياحبكم للسوالف وتقلب الحكي اتركوا السوالف والخمبقه هذا يغرد عادي قلبتوه تهديد
@maasy88 طيب يهددهم بايش ..! والا افتعال هشتاق بحسابات لغرض ما ..! اغلب الطلاب ميولهم هلاليه والاندر نصراوي
@ghadosh يمكن يكذب موب معلم وحط هالتغريده يبيها تمشي على اول يوم دوام الي معروف بغياب الطلاب
@e3aziz واضح انه يمزح، في رأيي أن التبسط مع الطلاب والدخول في حوارات تلامس اهتماماتهم تلغي الحواجز بين المعلم والطالب
@SaloomSs29 إنت معلم وبس يعني تشرح وتطلع وش دخلك بالعيال إيش يشجعون لا بعد يهدد ."العقل زينه"
@dania_7atem ما بعرف بصحة الموضوع لاكن مربي الاجيال لازم يكون تدريسه في رساله ومنها الروح الرياضيه
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
