قرر وزير التعليم اللبناني اعطاء افادات نجاح لكل من تقدم بامتحان الثانوية العامة بعد اصرار نقابة المعلمين على عدم تصحيح اوراق الامتحانات الرسمية لحين اقرار سلسلة الرتب والرواتب التي ينفذون اعتصامات لاقرارها. وبحسب قرار الوزير، فإن اي طالب في الثانوية العامة سيحصل على افادة بنجاحه بالثانوية لمجرد انه حضر الامتحان فقط. الأمر الذي أثار موجة من الجدل جعلت رواد موقع تويتر في لبنان يناقشون أغرب الأمور التي تحدث فقط في لبنان تحت هاشتاغ "بس عنا بلبنان":
@MrElJawad مهرجانات بعلبك تُقام في بيروت!
@linashab عم نطبل وزمّر لنظرية النأي بالنفس وداعش صارت بالبلد
@Nesn1925 معظم الوزراء والنواب وامراء الحرب والاثرياء لا يدفعون ضرائب ويقررون السياسة الضريبية. يحبون الاخذ لهم ولا يقرون به لغيرهم
@ic_ahmad بنفتخر انو عنا احسن تعليم واخر شي بيعطوا التلاميذ افادات عأساس الوزير معوا افادة مش شهادة يالله من ساواك لنفسوا ما ظلمك !
@lynneelhaf نسبة النجاح 100% يا خيي شعب كللو عباقرة مكيفين المدارس أول مرة بتزبط معن
@J_H_192 في مليون ونص محلل سياسي ومليون ونص محلل عسكري وأربعة مليون محلل رياضي وعشر مواطنين عاديين.
@sniper0091 دولة بلا رئيس... مجلس نواب بلا انتخابات(قريباً)... طلاب بلا شهادات... هيدا هوي جونا
@amsuckar في كل جورة على طرف الطريق بتنفد على استراليا اذا ضليتك مكفي فيها و اهم شي الباص بينزلك قدامها بتنزل من الباص بنص الجورة فورا
@ahmadsaad89 ما عنا رئيس، يلي بيدرس و يلي ما بيدرس بينجح!! فوضى و فوضى و فوضى بكل شي !!!!!
@zaaeim بيكون في انفجار وضحايا والمحطات اللبنانية عم تهز عا الوحدة ونص !!! شعب جبار بيغني بعزاه
@Makkymohammad رئيس بلدية مطلوب بمذكرة توقيف بزور رئيس حكومة
@AmaniAwada20 بعدن بدرسو بكتاب التاريخ عن الإنسان القديم
@seajay_com مفكرين انو سبب كل مشاكلنا هني السوري و الفلسطيني
@CammelloturboGT أمراء الحرب الأهلية يمثلون الشعب ! النصّاب ملقّب بالحاج ، الرسّام شاذ ، هيفا وهبه وجه لبنان الثقافي !!
@Alikhalil90El بطل البلايستاشن بالحي ٣ مرات عل توالي بياخود شهادة بدون امتحان
@mahmouda991 إذا إنتقدت إيران بتكون مع إسرائيل .
@IyadAbdallah الأشارة الحمرا معمولة حتى يقطع عليها يلي نمرتو حمرا
@xavier_99 الام بتحمل الكاميرا لتصور ولادها بتصير تقلن وقاف منيح يا حمار روح حد اختك يا بغل وبتنزل الصورة وبتكتب حبايب قلبي
@AbouSafi2 اذا نجحت بافاده اهلك بشعلولك العاب ناريه كأنك نجحت بمجهودك !
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
