بعد انتهاء عيد الأضحى المبارك قام عدد من المغردين المصريين بإنشاء هاشتاغ "حاجات بتحصل كل عيد" للكتابة عن بعض العادات والأمور التي تتكرر في كل عيد، ولم يخلو الهاشتاغ من التعليقات الساخرة:
@wizil458 انك تقول هتروح مكان جديد العيده ده بس تروح نفس المكان
@mohamed13z الشباب يشربوا مخدرات يوم الوقفه ويروحوا يصلوا وهما خربانين
@abooLadahim العيد ده خنيق.. حد حاسس بالعيد.. هو فين العيد ده.. العيد مبقاش له طعم زى زمان.. وهكذا
@HemaWaled البنات بتكون نازلة صلاة العيد ولا اللي رايحة فرح سوارية
@amirafouad21 نفس المسرحيات من يوم ما اتولدت والغريب انى بضحك برضو
@Tweetophilic55 مفيش اي حاجة جديدة ... مفيش خروج و لا بناخد عدية بنقضيه مسرحيات و نوووم :))
@Rahma16716 ناس بتقعد تشتم ف افلام السبكي وف الاخر بتحقق ارادات اعلي م السنه اللي قبلها
@EsrAa2elsherif نعمل حملات لا للتحرش .وكل عيد يزيد التحرش عن اللى قبلة
@etchooyoussef تروح علشان تصلي العيد تلاقي ناس بتصلي وناس رايحه تتفرج علي اللي بتصلي وناس بتصور اللي بيصلوا !
@obadmohame 3 السبكى ينزل افلام ملهاش اى تلاتين لازمة و الاخر بتجيب ارادات ازاى معرفش
@drmalaktaher26 بتفرج على العيال كبرت وبنفس ذات الانبهار
@Houjuo تليفونات من ناس محترمه وتليفونات من ناس تيت .. ولازم ترد عليهم كلهم وتقول وانتوا طيبي
@zinamohsen كل برامج التوك شوز يستضيفوا مغنين ويفضلوا يغنوا أغنيه ياليله العيد طول الحلقه
@Omar__Younes العبايات السودة بعد الصلاة مثلاً.
@melmoghl العيال بيروحوا يصلوا العيد علشن يقابلوا البنات
@azun331 البنات بتطلع بموضه جديده محدش فاهم بيلبسوها ليه !!
@abs_frns لازم حد ينكد علينا يا مصر يا الزمالك
@ageba_7alliche 3 الشعب بيصرف ع الحشيش و الخمرة فلوس قد المعونة الأمريكية 3 مرات
@Za3bo1a لما تيجى تنزل من العمارة تشم ريحة الفتة اللى طلعة من كل بيت
@Nazf_Elmsha3er تشوف الوان الطيف ماشيه قدامك في الشارع
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
