عقد المشير عبد الفتاح السيسي مصالحة بين رئيس نادي الزمالك المستشار مرتضى منصور، والناقد الرياضي ولاعب منتخب مصر السابق الكابتن أحمد شوبير، وذلك خلال لقائه وفداً من الرياضيين المصريين، وأثارت هذه الحادثة موجة من السخرية في موقع تويتر تحت هاشتاغ "السيسي هيصالح":
@abdo_hussein الحمد السيسى فكه من حوار الرئاسة ده ... واشتغل مطيباتى !
@mohamedteka1 سواق ميكروباص اتخانق مع الراجل بتاع الكارته و هما دلوقتي مستنيين السيسي عشان يصالحهم
@alaasweedy2 انا واختى متخاصمين لو حد معاه رقم السيسى يا جماعة ضرورى
@SOIDALSTWR مين قال ان السيسى مش هايعمل مصالحة وطنية ..امال اللى عملة مع شوبير ومرتضى ده ايه..مصالحة دى ولا مش مصالحة ؟؟
@Azza_ElShinawy ريهام سعيد وطليقها ويعمل فينا خير عشان تبطل صبايا الخير
@eng_islam_adel_ احمد عز وزينه ..موضوع مهم جدا :)
@tamer_abdullah عبدالله بدر و الهام شاهين . هيقولها يا الهام الراجل مغلطش مهو فعلا ناس كتير اعتلوكى باسم الفن . ياله بوسوا بعض و اتصالحوا:-)
@akramB_ عايز اقول لكل واحد متخانق مع حد عزيز عليه وبيحبه اوعى تنام الا لو السيسى صالحكم على بعض
@shemotalaat صافينار على صاحب الكباريه الي كان عايز يغتصبها
@Coffee49 موتوا بغيظكم هو رجل دولة ويعلم ماذا يفعل
@Waeldsoky الشعب ع الحرامية وهيعدم الاخوان ويحبس الثورجية
@iFantoo كريستيانو رونالدو و ميسي
@khaledKee رئيس كوريا الشمالية علي عمته
@Waeldsoky الاجتماع الجاي عفاف شعيب جمب الباشا وجمبها ابن اختها وفي ايده الريش اللي بيحب ياكلها
@VersetsYassin الولية ام ايمان على جوزها علشان هى مزهقانى الصراحة وتبقى عملت اكبر خير
@iFantoo السيسى هايصالح سبايدر و ثورة 25 يناير
@A7medm3li السيسى هايصالح سما المصرى على مرتضى منصور و احمد عز على زينه والسبكى على الحكومه وسمعنى سلام المصالحه
@AShohdy67 السيسى هايصالح الشعب مع الفقر
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
