تعتبر المملكة الأردنية الهاشمية من أكثر الدول التي تعاني من ظاهرة جرائم الشرف، وقد شهد الأردن يوم الخميس 3 جرائم شرف خلال 24 ساعة فقط، مما أثار موجة من الأستياء وحالة غضب عارمة وصلت لمواقع التواصل الاجتماعي وعبر رودا موقع تويتر عن غضبهم تحت هاشتاغ "شهيدات الشرف":
@mussa_abumazin انتي شهيدة يا اختي مهما كانت فعلتك .. انت شهيدة و جسدك اطهر من عقولنا الصدئة .. انت شهيدة رغم انف كل هذه الشعوب المقيتة
@ibr_ref1 بلعن التقاليد والعادات القديمه وعقله متحجر اكثر من كل العادات الغلط
@moaadharbe بدل ما تقتلها وتضيع حياتك بلسجن واخرتك الله اعلم انها ضاعت لانك قتلت نفس بغير حق جوزها اياه والقانون معك وبتكون سترت عكل عيلتك
@taqjo لا شرف في الجريمة وما حدا اله حق يسرق حياة حد بحجة الشرف اصلا احنا العرب بعنا الشرف زمااان من ايام ما سكتنا عن اغتصاب فلسطين
@ays142 التربية التي تجعل الأخ يقتل شقيقتة لأجل مكالمة هاتفية أو مسج موبايل هي السبب وراء شهيدات الشرف
@SamiraIbraheem ما بطلع لأي إنسان قتل إنسان آخر حتى لو كان أبوه! كيف متوقعين من هيك مجتمع يعقل ويرتقي من جميع النواحي! وين قانون حماية المرأة!
@SufianAsadi عمرنا ما سمعنا عن جريمة شرف ضحيتها شاب، هل لأن شرف الشاب لا يضيعه شيء؟
@RamaBadri جريمة الشرف الكبرى هي اغتصاب القدس يا ذوي الانوف الحامية فرجونا مراجلكم !!
@CozmoSam وحال المجتمع ليس بإفضل فها هم ينتصرون لوالدها وأنّه على صواب بقتلها وإسترداد شرف العائلة إن كان هنالك شرف لهذا المجتمع!
@AbdullahENSOUR الحكي و الدفاع عن شهيدات الشرف مش معناه نصير عادي و فري! المطلوب المساواة بالعقوبة عشان الشب كمان يصير يخاف يلعب بشرف بنت!
@alshqarilara يا مجتمع بتروي أرضك ب دم البنات الغلآبى اللي أخوها ذكر بس مش زلمة وأبوها سايق الشرف وهو مش مخللي من الكبائر شيئ
@FarahhAlkhateeb و حنضلنا شعب شاطرين بالحكي, انقتلوا و خلصت القصة, و حنضلنا نحكي
@adiabdelsamad يرتكب جريمة قتل ليبرر أن الزنا خطيئة كبيرة .. مين اللي حطك بمكان مسؤولية لتسلب روح انسان مش انت اللي خلقته
@MoodAhmd مش أول ولا آخر جرايم قتل في الاردن عملتو هاشتاق وحتكتبو وتكتبو وتكتبو وفي الاخر حتناموا وتصحو ناسيين
@alshqarilara حسبي الله ونعم الوكيل بكل ذكر ظن نفسه رجل وقتل بغير وجه حق لمجرد جهل و تخلف وفلسفة ، الله يحرق قلب كل من يحرق قلب أم على بنتها
@AsmaRasheeed مجتمع منافق يقبل بالقتل بداعي الشرف فيما ينتشر التحرش الجنسي من لا يقدس الشرف في الشارع لا يحق له التذرع به في المحكمة
@ibr_ref1 لما تغتصب شو ذنبها تنقتل ؟؟ ولما ربنا يستر عليها وهي زانيه انت ليش تفضحها
@mohammad_adawi الاسلام حدد عقوبة الزاني والزانية اذا كانوا متزوجين بالقتل وعقوبة الجلد اذا غير هيك ، بس ما سمعت عن حكم قتل عالطالعة والنازلة
@Mahmoud_Melhim المشكلة بالفِكر، بالعقول، بالعادات والتقاليد الخاطئة، يؤذي بنات الناس ولا يرضى لنفسه المِثل، قانون شفاف لا يُطبق، تخُلف وجهل
@Saif_Alresheq مسمى شهيدات الشرف خطأ لانو مستحيل كل شي عملتو البنت غلط يروح وتسير شهيدة طبعا هاد ما بمنع اني ضد قتلها بس القصد كل حد لازم يتحاسب ع اخطائوا
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
