أثار فيديو تم تداوله في مواقع التواصل الاجتماعي لـ سيدة سعودية تصرخ على احد رجال الهيئة بسبب ازعاجه لها، وقد اثارت السيدة اعجاب العديد بسبب قوتها رغم وجود بعض المعارضين لتصرفها:
- يعني رجل الهيئة جاها بإحترام وكلمها وما رفع صوته !!! وهي صوتها اعلى منه ، اهانت انوثتها وشوهت سمعتها كمرأة
- انت جيت ونصحت جزاك الله خير بس تنشب الا غصب تغطي ماهو بكيفك بعدين مره ماشيه بحاله وش تبي انت
- احسن .. الحرمة مشغولة وبزارين وحالتها حالة واكياسها وهو مايفكر الا بتغطي !
- الاحظ ان معظم المواقف الصريحه الجريئه بهالبلد يقوم بها النساء والله مو الرجال بيكون المثل رجل عن الف سيده
- الرجل غلطان صحيح لكن ردود البعض وفرحتهم عليه تكشف تفكيرهم سبحان الله !
- اذا ماعجبنك النصيحه عطيه ظهرك وامشي اما كلامها وطول لسانها قلة حيا على رفع صوتها ماكانها انثى الله يعين زوجها
- براڤو عليها، عمرنا ماسمعنا ان الرسول او الصحابة كانو يلاحقو النساء وينشبولهم بإسم الأمر بالمعروف
- بعيداً عن هراء دُعاة التحرر والمتشددين! اللي حصل تُلام فيه السيده بالمقام الأول لعدة اعتبارات دينيه واجتماعيه
- بغض النظر عن جرأتها بوسط السوق وصوتها العالي وسط رجال! كلامها صحيح وكفو انها وضحت له وجهة نظرها بدون خوف
- أتخيل انك تكون ماشي في السوق وودك تخلص بأسرع وقت مقاضي البزارين.. ويجيك شخص:يستفزن.. والله اللي سوته قليل
- اللي يقولون رجل الهيئه ينصحها ينصحها على ايش انها متححبه ولازم تفصخ ولا وش النصيحه تجي على فعل منكر
- قال ايش قال يناصحها اهم حتى أداب النصيحة مايعرفونها اصواتهم تتعالى ف الاماكن بدون مايفكرو إنهم أزعجو الناس!!
- اللي أنكروا عليها تصرفها مع انها ما غلطت بكلمه! هم اللي يبون المرأة ذليلة منصاعه للذك
- مابقا الاتصفقه؟من الاحترام اذا احد نصحك حتى لو ما اعجبك اسمع له ثم اشكره ومب لازم تقتنع بكلامه بس احترمه!
- عييب هذا كبرك وتقولين كذا تراه مو وحده من بنات الفصل تهاوشينها وتتطردينها
- المضحك ان البعض ترك كل شيء واتجه إلى أن المرأة غضبت وصرخت على رجل الهيئة , أعتقد أنها أرادوها أن تغضب بصمت!
- انشهد انها كفووو وبعدين هي ام ومعها اطفال ليش يضايقها وهي مغطية وجهها برغم في اختلاف تغطية الوجه عند العلماء!!
- انا فكرت السيدة عارية عندما نصحها الملتحي لكنها محتشمة ومادخله في لبس المرأة هي ليست بنته ولا امه
- مو معناها طولت لسانها على الهيئة خلاص صارت واو إلا ما تستحي على وجهها وماتربت اللي تقعد تتكلم كذا وتطول لسانها
- هي نصيحة تقولها للشخص وما هو ملزوم ينفذها مو تقعد تنق فوق راسه و لا انفجر بوجهك تلومه
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
