حالة من الحزن والغضب إنتابت نشطاء الانترنت علي مواقع التواصل الاجتماعي بسبب حادث قطار دهشور والذي راح ضحيته أكثر من 30 مواطنا وأصيب العشرات إثر اصطدام قطار بضائع بأتوبيس رحلات وسيارتي ميكروباص وأخرى نقل – مواكبا للذكرى الأولى لحادث قطار منفلوط بأسيوط والذي راح ضحيته 50 طفلا بعد اصطدام القطار بأتوبيس مدرسي بمزلقان منفلوط :
@Elmash5ara فى ذكرى قطار اسيوط الى مات فيه 50 طفل مات 20 شخص فى قطار دهشور احا يا بلد فى كل ذكري بيموت ناس تحى الذكرى
@sa3idelboshy أهالي دهشور ، قطار دهشور ، ضحايا قطار دهشور ، هذه هي صورة شعب مصر في عيون مسؤليها ، لا أحد يهتم !!!
@ahmedcafo زي ما حملت نظام مرسي حادثة اسيوط , خليك دكر وانزل واتكلم وحمل السيسي حادثة دهشور ,, النظام هو المسؤل اي كان ؟؟
@ibrahim_ahrar حادثة قطار دهشور ..السبب فيها حكم جماعة الاخوان :D بالمناسبة سقوط الاندلس بسبب الاخوان ايضا
@nehadsalem هيا دهشور دي موعودة بحوادث القطارات ؟ المزلقان اللي فيها عايز دبابة تحرسه مش عامل مزلقان
@HinooMahmoud قطار دهشور ايوا عايزين نشوف الإعلاميين حيقولوا ايه ؟ حيطالبوا باقاله مين ؟ و لا خيخرسوا و لا معندهمش تلفزيون / مجموعه كلاب ضاله
@Hassanail3 قامت الدنيا ولم تقعد الان عند مقتل مسؤل بالأمن و٢٤قيتل في القطر دهشور لا تعني اي شي ثوره دي ولا انقلاب أيها العقلاء
@sherifzglolh الوزير اللي عمل مصيبة قطر الصعيد سنة ٢٠٠٢ هوا نفسه اللي عمل مصيبة قطر دهشور امبارح ... بلد مبتحسبش المسؤل لما يغلط يبقي من حقه يموتنا !!!!!
@doaaelbeltagy اللى مات ده خلاص ربنا رحمه.. بس الله يكون فى عون اللى شاف الموت بعينه واللى شاف اشلاء مترمية جمبه
@mhelbadry2 هل الببلاوى هيحضر جنازة ضحايا قطار دهشور؟
@Virus_Walid يعنى القطارات واقفة لمدة 3 اشهر عايزي فرصة اكتر من كده ايه علشان تعملوا صيانة وتحديث للمزلقانات ايه القرف اللى احنا فيه ده
@Omar_Mero28 يشاء القدر ان يهلل الاعﻻم لمقتل ظابط بالامس واليوم يخرس لحادثة دهشور المروعة التي تجاوز عدد الضحايا بها العشرين بصورة مبدئية
@nahrawyelhawawy عجبى عليك ياوطنى كل شويه يموت شويه و نشجب وندين من ليس له دين واخرتها يا وطن كم واحد مات فى دهشور العزاء الجاى فين مفيش فايده يا يلد وعجبى
@baswma1992 في ذكري حادث قطار اسيوط يحصل حادث قطار دهشور !! لو كان المسئول الاول اتحاسب كان التاني خاف دولة الاهمال اسوء من دولة الاحتلال .. :)
@batt0ta ﺭﺋﻴﺲ ﻫﻴﺌﺔ ﺳﻜﻚ ﺣﺪﻳﺪ مصر ﺳﻠﻮﻛﻴﺎﺕ ﺍﻟﻤﻮﺍﻃﻨﻴﻦ ﻫﻲ ﺍﻟﺴﺒﺐ ﻓﻲ ﺣﺎﺩﺙ ﺗﺼﺎﺩﻡ ﻗﻄﺎﺭ ﺩﻫﺸﻮﺭ يعني لا فساد ولا اهمال أحنا كدة دايما شعب مفتري وظالم
@yasminitchka هو ليه محدش جايب سيرة القطر بتاع دهشور الا كأم واحد ؟؟؟؟؟ اااااه أصل السيسي الي ماسك البلد !!!
@MahiraSmile مسلسل حوداث القطارات في مصر مستمر منذ سنوات حتى اصبحت رائحة الدماء في كل شبر من ارض هذا الوطن .. تعاقبت الحكومات والموت واحد
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
