أحداث ماسبيرو أو مذبحة ماسبيرو كما أسمتها بعض الأوساط الصحفية في مصر هي عبارة عن تظاهرة انطلقت في التاسع من اكتوبر 2011 من شبرا باتجاه مبنى الإذاعة والتلفزيون المعروف باسم « ماسبيرو » ضمن فعاليات يوم الغضب القبطي، ردًا على قيام سكان من قرية المريناب بمحافظة أسوان بهدم كنيسة قالوا أنها غير مرخصة، وتصريحات لمحافظ أسوان اعتبرت مسيئة بحق الأقباط وتحولت إلى مواجهات بين المتظاهرين وقوات من الشرطة العسكرية والأمن المركزي، وأفضت إلى مقتل بين 24 إلى 35 شخصًا أغلبهم من الأقباط.ونادى العديد من النشطاء بإحياء ذكرى "احداث ماسبير" حتى لا ينسوا دم الشهداء وفي موقع التواصل الاجتماعي تويتر كان للمغردن المصريون كلمتهم ايضاً:
@jubamohammedyou مرت سنة على احداث ماسبيرو ولازالت دموعك يا امى على شهدائك هدارة ولازلت الكنيسة تبكى والمسجد يواسى القصاص القصاص القصاص لشهدائنا لن ننساهم
@yehiaEL7A2 حتى لا تنسوا مدرعة الجيش التى دهست على المتظاهرين ورصاصهم الذى اخترق اجساد الشهداء .. وحتى لا تنسوا ان حقهم لن يؤخذ بعد !!
@NahlaMohamed ماسبيرو.. شكل الأمهات وهي بتدور على جثث أولادها.. شبح الموت في كل حتة.. تبريرات الناس للقتل والمجزرة إلي حصلت.. تغطية الصحف القومية...
@muhammad_fayyaz مش هاتتنسي يا عسكر ولو طال الزمن احنا مابنزهقش من المطالبة بالقصاص وهايحصل
@Ahmed_AElfattah احداث ماسبيرو ماكانتش فتنة طائفية ،، كانت مجزرة عسكرية
@smile_for_me_sh الشعب نسيهم وبيمجد فى اللى كرم قاتلهم !! وآدى بقالنا سنة ومرجعش حقهم !!
@Shereoo اصبحت المذابح ال جرت بعد الثورة ف مصر مجرد ذكريات ومازلت لجنة تقصى الحقائق تتقصى الحقائق
@lilianwagdy وقت ماسبيرو كنت حاسة اني عندي قدرة حقيقية على اني اقتل أي حد بيقول دول يستاهلوا لانه بالنسبة لي فقد ادميته وميستاهلش يعيش
@semoo2300 غدآ ذكري مذبحه ماسبيرو اما ان الاوان للمحاسبه واعدام القتله
@Psypherize بعد مذبحة ماسبيرو بيوم واحد بس. شفت الناس على القهاوي في وسط البلد بتتفرج على ماتش الزمالك وإنبي وقتها وكان شيئا لم يكن. الكورة إرادة شعب.
@mona201550 ذكرى مذبحة ماسبيرو بكرة و بعدها أحداث مجلس الوزرا و الجناة واخدين نياشين و عايشين عيشة الملوك! رجع حق اللي ماتوا يا مرسي!
@noha_raul من يومين كنا بنحتفل بالجيش المصري علشان حرب اكتوبر وبكره هنحتفل بالجيش المصري اللي قتل ودهس اخواتنا في ماسبيرو
@AhmedGodaUWK اى حد يقولك شهداء ماسبيرو دول بتاع المسيحيين بس اديلوا ف وشه دول شهداء الوطن كله واحنا مش هننساهم ابدا .المجد للشهداء
@Somaya_Eltaher ماسبيرو كان تطور كبير للعسكر في عدد القتلي بس انا ايامها فضلت مجاهدة الناس و اقنعت فوق ال50 واحد بأنه المجلس مجرم و الحكاية مش مسلم و مسيحي
@MinaSamir707 تعرفوا ان مظاهرة ماسبيرو كانت اكبر مظاهرة خرج فيها الاقباط للشارع وخرجوا عن تقوقعهم جوه الكنيسة؟ وبقمع العسكر ليهم رجعوا تاني يستخبوا
@MohebEmad ماهو ماينفعش ماتصدمش لما واحد بيعرف نفسه ب "ثائر" وييجي يقولك "طرف تالت هو اللي ولع الدنيا في ماسبيرو قبل وصول الجيش"
@Mariam__ibrahim مشاهد ماسبيرو حاضرة في اذهاننا كأننا امبارح .. القتلة أحرار وفي مناصبهم .. والظلم مستمر في وطن مش عارف يحمي ولاده
@RobyAmr الي شهداء ماسبيرو..شهداء الثورة..شهداء كل المجازر....عفوا فقد نفذ رصيدنا من الضمير واستبدلناه بشحن كامل من ..........الاستقرار
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
