بدأت يوم أمس السبت عمليات الاقتراع في الجولة الثانية من اول انتخابات رئاسية مصرية بعد ثورة 25 يناير التي اسقطت الرئيس السابق حسني مبارك. ويتواجه في هذه الجولة اخر رئيس وزراء في عهد مبارك احمد شفيق ومرشح جماعة الاخوان المسلمين محمد مرسي، وتعتبر جولة الاعادة في الانتخابات المصرية هي الحدث الأبرز التي تشهده مصر والدول العربية. وقد علق العديد من نشطاء موقع الانترنت تويتر عن هذا الموضوع ومن هذه التعليقات:
@mohamed31654762 لعن الله من جعلها انتخابات بين مرشحا المسجد والكنيسة ..اتقوا الله في مصر ..كفاكم حماقة ..
@shekaa07 ها يا رجالة اختارتوا اللي قتل ولا اللي اتفرج
@Egyptocracy ما هو انتم لو مع شرعية الصندوق.. يبقي اقبلوا بقرار الصندوق. مش لما مرشحكم يكسب يبقي الصندوق حلو ولما يخسر يبقي وحش
@HebaElkhamey الفائز الوحيد من انتخابات الرئاسة هو المجلس العسكري، لأن معه سُلطة تشريعية، وحق تشكيل لجنة الدستور، ورئيس معطّل بلا صلاحيات، ووضع آمن
@5aleed7 البعض يدعو لأنتخاب شفيق علشان مصر تبقي دوله مدنيه علي اساس ان شفيق خريج سياحه وفنادق وميعرفش ان شفيق هيبقي شخشيخه العسكر
@MrCriton الشعب طالع عينه من زمان طوابير عيش و انابيب و بنزين و غاز, زاد الهم و بقى طوابير انتخابات و بعدها بيومين يلغوها..عليه العوض و منه العوض
@GhadahG اخبار انتخابات مصر؟ كم مبطلون وكم مقاطعون وكم مرسيون؟ اما الفلوليون فاللجحيم مع مرشحهم
@yjm025 الظاهر الناس ماعندها شغل يبا تابعو انتخابات مصر او كاس امم اوروبا او تعبدوا دام باجر عطلة الاسراء والمعراج لاني ما ادري احنا جم عربي اليوم
@al3awame74 نحن فى انتظار رئيس مصر القادم عبر انتخابات حره ونزيه ويجب علينا جميعا احترام الصندوق الانتخابى لبناء وطن عزيز وغالى علينا جميعا
@mansour_mohamed بس انا لسة مش قادر اصدق يا جدعان، البرلمان اللي جه بأنزه انتخابات تشهدها مصر واجل عرس انتخابي في تاريخ المجرة طلع مش دستوري وبخ؟ اشي خيال!
@joker_wanda بجد بجد لولا حريم مصر مكنتش نسبة التصويت عدت 20% فى اى انتخابات
@Aelhawary الي هينتخبو شفيق عشان البكيني والتفكير في اللبس انتم ناس مرضى
@MELSWAESEY انزلوووووووووووووو شفيق مكتسح فلول ناس طيبة فلوس تزوير عسكر اقباط واحنا عاملين نخبة ومقاطعون وتمثلية نكسب مرسى بعدين نتحاسب بعد حبس شفيق يلا
@nawaranegm لا يا فندم.. تتقطع رقبتي لو صوت لشفيق انا مش وسخة عشان اصوت له، وتتقطع ايدي لو صوت لمرسي انا مش منافقة وبوشين عشان اصوت له
@gamaleid عمرو موسى بيتمنى التوفيق لمرسي وشفيق !!! يعني حيصوت للاثنين معا؟ واضح الراجل رجع وزير خارجية تاني ! كلام يحتمل معنيين ، وموقفين ، وصوتين
@salahosama يا رب حزب الكنبة النازل ينتخب شفيق أنا بقول يعد النهاردة في البيت الجو حر
@makar_william مرسي هو عمر بن العاص وهيفتح مصر تاني وشفيق هيجيب حق المسيحين دي انتخابات رئاسه مش غزوه احد يا شعب مصر
@NonyaMuslima الى اهل مصر الجديدة ومدينة نصر فقط .. قاطعوا هذه المهزلة التى تسمى انتخابات ..المقاطعة يا اهل مصر الجديدة ومدينة نصر هى الخيار الثورى
@LeMasry شفيق قال للمسلمين انا متدين وصوفى وقال للمسحيين انا هجطلكم ايات الانجيل فى الكتب .. ولو كان فى كفرة كان هيقلهم حعملكوا صنم كبير فى وسط البلد
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
