دشن عدد من رواد موقع التواصل الاجتماعي تويتر في مصر هاشتاغ بعنوان "قاطعوا التوك شو" لمطالبة الناس بمقاطعة برامج التوك شو لأسباب عديدة قاموا بسردها داخل الهاشتاغ ومن أبرز التعليقات داخل الهاشتاغ:
@RABIA44EGYPT كل قناة صاحبها بيوجهها عشان مصلحته الشخصية اصحاب الفضائيات شوية رجال اعمال فاسدين كدابين مبيقولوش الحقيقة و بيخدموا مصالحهم
@Hanafy_25 هيحصل ايه لو شغلت مخك و دورت ع الحقيقة بنفسك!
@KimSh3ban هؤلاء لايصح أن يطلق عليهم إعلاميون،،هؤلاء مجموعة من الندبين المولولين
@EsamMasrawie مش لما يبقي في توك شو نبقي نقاطعه اللي موجود الان ده توك هبل .. عبط .. عار .. نفاق .. تلون
@kareemyasser8 إعلاميين مصلحتهم في ان البلد تولع عشان ياخدو فلوس أكتر
@RehamGilany سمموا حياتنا وافسدوا عقولنا وخلقوا العداوات بين الشعب وبعضه .. يخترعون الاكاذيب ويوزعوا صكوك الوطنيه على المواطنين
@khaled_bs_7moot الإعلام المصري يدمر الصحه و يسبب التخلف العقلى و يصيب بالبله و العته
@rahomalahlawya هو حد بيشوفهم اساسا اعطيني اعلاما بلا ضمير اعطيك شعبا بلا وعي
@Its_Maaryaam كله بيطبل و مفيش حد حيادى و لو ركزت فى الغاية اللى ورا كلامهم هتلاقيهم منحازين لشخص بعينه فين الحياد الإعلامي فين النضافة؟
@AmrWadea اتفرجوا علي برامج تاريخ أو طب أو علم ومتضيعوش وقتكم بالفرجة علي محتوي مكرر من شوية مرتزقة معندهومش مبدأ ولا مهنية
@faridaelwi كله بيضحك على كله في مسرحيه هزليه وكلام معتاد ووجع دماغ بلا هم. بقى
@mokhegypt المخرج بيقبض والمذيع بيقبض والضيف بيقبض وأحنا اللي هيتقبض علينا في الأخر :)
@SamaaYahoo كلهم منافقين كلهم طبالين كلهم زياطيين كلهم يستاهلوا الحرق ندمانة إنى إقتنعت بكلام حد منكم فى يوم من الأيام
@mony18823639 حوال٢٥ رجل اعمال عملين قنوات تفتكرو هيعملوها عشان جمال عيونكم...اكيد عشان مصالحهم الشخصيه اولا وثانيا وعاشرا
@ayuyaO_o عندك عقل ربنا اداهولك شغلوا وماتخليش حد يتحكم ف ارائك ولا افكارك ولا يبث سموم افكارو فيه عقلك انت الحكم ماتخليش حد يوجهك
@Mazagngy89 عشان للاسف خداع الناس ... اسهل من اقناعهم بأنهم قد خدعوا
@br00kshi الشعب في ترابطهم يستطيعوا ان يقاطعوا اي شي لأن قوه الشعب بتوحيد قراراتهم فوق قرارات الاعلام او غيره
@sakhr10 هل تعلم ان المتصلين بالبرامج على الهوا دول اغلبهم امن دولة ومخابرات وبكملو التمثيلية عليك يا مغفل
@abdullahhamdy00 أكتر طبقة في مجتمعنا بتعاني من الجهل والتخلف مش الطبقة الفقيرة بالعكس طبقة الفنانين والإعلاميين وغيرهم
@mmesmail لانها عبارة عن فيلم سيئ بينتهى بخناقة او قلة ادب وشتيمه
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
