انتشر في موقع اليوتيوب فيديو للفريق احمد شفيق المرشح لرئاسة الجمهورية المصرية اثناء برنامج مصر تنتخب على قناة " سى بى سى " الفضائية المصرية يتحدث بها عن الأحداث التي شهدتها الثورة المصرية وفي سياق الحديث يقول الفريق شفيق " و لكن للاسف الثورة نجحت" لتثير جملته هذه موجة من التعليقات الغاضبة على الفيديو، فيما اعتبر البعض أن صاحب الفيديو لم يكن محايداً لأنه لم يكمل ما قاله الفريق أحمد شفيق والذي يوضح أنه لم يقصد ما فهم من هذه الجملة:
-الراجل دا و النعمة حاسس ان في حاجة غلط فدماغه..مبيجمعش
- ده قالها علني يعني اخبطو راسكم في اقرب حيطه قدامكم مية مره من الاخر كده بيقولنا موتوووووووووو يغيظكمممممممممم شفيق طير انت
-انا ضد الفلول بس صاحب الفيديو بلاش طريقة لاتقربوا الصلاه دى !!
- مش قولت على نفسك انك من اسباب الثورة قبل كدا يا سيادة الشفيق
- ههههههههه أنتوا برده لسه الأساليب دى فى دمكوا تمتوا بغيظكوا :) نعم لأحمد شفيق رئيسا لمصر
-ولا تقربوا الصلاة.... نفس الفلسفة... ولو سيادتك كنت إتفرجت علي اللقاء كامل كنت هتعرف إنه قصده إن للأسف الثورة نجحت و الشباب إلي عمل الثورة مبقاش في الصورة و التيارات الإسلامية ركبت علي الثورة... حتي مجدي الجلاد سأله تقصد مين قاله بصراحة الإخوان... عيب...
-على افتراض ان الثورة نجحت لما شفيق متأسف على الثورة انها نجحت بيترشح في نظامها الجديد ليه ؟؟ مش يخلي عنده دم و يقعد في بيته
- لا الاسلوب ده غير موضوعى ... تحوير يعنى .. يا عم انت مش هتنتخب احمد شفيق براحتك .. لكن الاسلوب ده بتاع ويل للمصلين ده مش كويس عيب عليك يا كبير
-آه ماهو أصل الثورة قامت على حسني مبارك علشان ننتخب بعديه رئيس وزرائه أو وزير خارجيته.. !!!!
-انا نفسى بس لو نعرف حد من اللى هينتخبه الراجل ده تفهمه حقيقته انشاء الله ياااااااااااااارب حمدين رئيس
-اصلا ايه الجديد ان الاعلام يسكت ده جندى من جنود النظام السابق ومازال بيساعده بكل قوته ... كان لازم تطهير الاعلام من الفساد لانه البوابه الرئيسيه من وجهه نظرى للديموقراطيه
-"الراجل بيقول للاسف الثوره نجحت وبعدين في تقديري فيه جزء كبير منها اتنكست تاني " اعتقد ان العباره مفهومه للي اتفرج علي اللقاء كامل ولا محتاجه تحليل نفسي ولا الكلام الفارغ ده كله بس عايزه حد يفهم الكلام كله مش اللي علي مزاجه
-أحيه!!! هو بيقول إيه أتحدى واحد يجيبلي جملة مفيد من كلام الفِل ده
-قالك .. للأسف الثورة نجحت ..دة جايبينه منين !!! دة مش من مجرتنا يا جماعة :)
-هو قال للأسف الثورة نجحت و بعدين لحق نفسه و حاول يصلح فقال فى تقديى جزء منها انتكس اللسان بينطق باللى فى العقل الباطن
- شفيق:للاسف الثوره نجحت و كنت مسميها حركه روح يا شيخ ربنا ياخدك انت و اللى هيرشحك و ما تتخلع ابدا من رجلى
-أنا مؤيد لابو الفتوح و كل حاجة..بس الشفيق أحمد فريق بيقول "للأسف الثورة نجحت و بعدين -فتقديري- انتكست تاني" للأسف تعود على انتكست تاني..هو عبيط أه بس مش للدرجة دي :)
-ما اسر أحد سريرة الا كساه الله جلبابها ....والله مهما يخبى لازم يظهره الله على حقيقته ..وادى فلتة لسانة بينت كل اللى مخبيه..... وما خفى كان أعظم
- رجل صريح محترم، وفعلاً للأسف الثورة نجحت، ولكنا بإذن الله سنعيد الأمور إلى نصابها ويعود النظام لمصر بدلاً من الفوضى
- الراجل كان قصده للاسف الثورة نجحت والناس كسلت وما اشتغلتش لو تلاحظوا المقطع خلص وهو مكانش خلص الجملة
-اى ان كان سياق الكلام والله احنا مش محتاجين ادله على عدم صلاحية هذا الرجل ليكون رئيس شركة وليس دوله ربنا بحرمنا بقى من الاشكال ديه
و اللة العظيم بقول كدة من زمان.....الراجل دة ما يصلحش يكون وكيل مدرسة ...دة اخرة يشتغل في حضانة ..و يوزع عالاطفال (بونبون)..و لكي الله يا مصر
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
